နော်တင်ဟမ်ဖောရက်စ်အသင်းပိုင်ရှင် မာရီနာကစ်သည် ဒိုင်လူကြီးများကို တံတွေးဖြင့်ထွေးသည် ဆိုသော စွပ်စွဲမှုဖြင့် အင်္ဂလန်ဘောလုံးအဖွဲ့ချုပ် (FA) ၏ ပွဲကြည့်ခွင့် (၅)ပွဲပိတ်ပင်ခံရသည့်ပြစ်ဒဏ် ချမှတ်ခံခဲ့ရကြောင်း သိရသည်။
စက်တင်ဘာ (၂၈) ရက်က ကစားခဲ့သည့် ပရီးမီးယားလိဂ်ပွဲစဉ် နော်တင်ဟမ်ဖောရက်စ် (၀-၁) ဖူလ်ဟမ် ပွဲအပြီးတွင် ဥမင်လိုက်ခေါင်းအတွင်း၌ နော်တင်ဟမ်ဖောရက်စ်အသင်းပိုင်ရှင် မာရီနာကစ်သည် ဒိုင်လူကြီးများ လာသည့်အချိန်တွင် ကြမ်းပြင်ကိုတံ တွေးဖြင့် ထွေးခဲ့ခြင်းဖြစ်သည်။
မာရီနာကစ်က ၎င်းအနေဖြင့် ချောင်းဆိုးပြီးနောက် လည်ချောင်းယားယံသဖြင့် တံတွေးထွေးခဲ့ခြင်းသာဖြစ်ပြီး ဒိုင်လူကြီးများကို ရည်ရွယ်ခြင်းမရှိကြောင်း ရှင်းလင်းခဲ့သည်။
သို့သော် FA စည်းကမ်းထိန်းသိမ်းရေးအဖွဲ့က မာရီနာကစ်၏အပြုအမူမှာ ဒိုင်လူကြီးများအပေါ် မလေးစားရာရောက်ကြောင်း၊ ယင်းအတွက် ဆင်ခြေပေးစရာလိုကြောင်း၊ ကွင်းအတွင်း ရလဒ်ကို မကျေနပ်၍ ယခုကဲ့သို့ တုံ့ပြန်ခြင်းမှာ လက်ခံနိုင်စရာမရှိကြောင်းနှင့် မာရီနာကစ်မှာ ယင်းလုပ်ရပ်အတွက် ကြီးလေးသည့်ပြစ်ဒဏ်နှင့် ထိုက်တန်ကြောင်း ထုတ်ပြန်ခဲ့သည်။
နော်တင်ဟမ်ဖောရက်စ်အသင်းသည် အသင်းပိုင်ရှင် မာရီနာကစ်၏ ပွဲကြည့်ခွင့်ပိတ်ပင်ခံရသည့် ပြစ်ဒဏ်အတွက် အယူခံဝင်ထားကြောင်း သိရသည်။
