ရေဘေးသင့်ပြည်သူများအတွက် အဆိုတော် စိုင်းစိုင်းခမ်းလှိုင်က စက်တင်ဘာ ၁၃ ရက်တွင် ကျပ်သိန်းသုံးဆယ် လှူဒါန်းခဲ့ကြောင်း Sai Sai Kham Leng Facebook တွင် ဖော်ပြထားချက်အရ သိရသည်။
ခိုင်နှင်းဝေပရဟိတအသင်းသို့ လှူဒါန်းခဲ့ခြင်းဖြစ်ပြီး ထိုသို့လှူဒါန်းမှုအတွက် အဆိုတော် အကယ်ဒမီ စိုင်းစိုင်းခမ်းလှိုင်ကို ကျေးဇူတင်ရှိကြောင်း ခိုင်နှင်းဝေပရဟိတအသင်းက ဂုဏ်ပြုမှတ်တမ်းလွှာ ပြန်လည်ပေးအပ်ခဲ့သည်။
လက်ရှိတွင် နေပြည်တော်၊ ပျော်ဘွယ်၊ ရမည်းသင်း၊ တပ်ကုန်း၊ တောင်ငူ ၊ ကလော၊ မြစ်သား၊ ကျိုင်းတုံ၊ ဟဲဟိုး၊ တာချီလိတ်၊ ဘားအံ အပါအဝင် မြန်မာနိုင်ငံတစ်ဝှမ်း မြို့နယ် ၃၄ မြို့နယ်တွင် ရေကြီးရေလျှံမှုများ ဖြစ်ပွားလျှက်ရှိကြောင်း သိရသည်။