၂၀၁၄ ကမ္ဘာ့ဖလားအုပ်စုပွဲမှာ ချီလီနီကို ဆွာရက်ဇ် ကိုက်ခဲ့ပါတယ်။ သူ့ရဲ့ရှေ့သွားတွေဟာ ယုန်တစ်ကောင်လိုဖြစ်နေတာလား၊ ဒါမှမဟုတ် သားရဲတစ်ကောင်လို သွေးဆာနေတာလား။ ဘယ်လိုပဲဖြစ်ဖြစ် ဆွာရက်ဇ်က ချီလီနီကို ကိုက်ခဲ့တယ်။ ချီလီနီခန္ဓာကိုယ်မှာ ဆွာရက်ဇ်ရဲ့ကိုက်ရာကြီး မကျန်ခဲ့ပါဘူး။ ဒါပေမဲ့ ဘောလုံးသမိုင်းမှာ ဆွာရက်ဇ် ကိုက်ရာကြီး ကျန်ရစ်ခဲ့တယ်။ ပရော်ဖက်ရှင်နယ်မပီသတဲ့ကောင်၊ ရန်လိုနေတဲ့ကောင်၊ ခပ်ညစ်ညစ် အရိုင်းအစိုင်းဆိုတဲ့ ဂုဏ်ပုဒ်တွေဟာ ဆွာရက်ဇ်နဲ့ယှဉ်တွဲရှင်သန်ခဲ့ပါတယ်။