ပြည်သူများ၏ တယ်လီဖုန်းနံပါတ်များ သို့ Short Code နံပါတ် “၁၁၁၁” အသုံးပြု၍ SMS မှတစ်ဆင့်မေးမြန်းမှုများအား အကြံပြု ဖြေကြားပေးရန် အဂတိလိုက်စားမှုတိုက်ဖျက် ရေးကော်မရှင်က ဇွန် ၁၅ ရက်တွင် သတင်း ထုတ်ပြန်သည်။
အဂတိလိုက်စားမှုတိုက်ဖျက်ရေးကော် မရှင်သည် အစိုးရရုံး/ဌာနများတွင် ဝန်ဆောင်မှု ရယူကြသည့် ပြည်သူများ၏ တယ်လီဖုန်းနံပါတ်များသို့ Short Code နံပါတ် “၁၁၁၁” အသုံးပြု၍ ှ SMS မှတစ်ဆင့် ဝန် ဆောင်မှုနှင့်စပ်လျဉ်းသည့်မေးခွန်းများ မေး မြန်းခြင်းဖြင့် တုံ့ပြန်မှုများရယူနိုင်ရန် “အများ ပြည်သူထံမှ တုံ့ပြန်မှုရယူခြင်းအစီအစဉ် ((Public Feedback Programme - PFP)”)” ကို သက်ဆိုင်ရာဌာနများနှင့် ပူးပေါင်းဆောင် ရွက်လျက်ရှိကြောင်း အဂတိလိုက်စားမှုတိုက် ဖျက်ရေးကော်မရှင်၏ သတင်းထုတ်ပြန်ချက် တွင် ဖော်ပြထားသည်။
အဆိုပါ PFP အစီအစဉ်သည် အစိုးရ ဌာန/အဖွဲ့အစည်းများ၏ ဝန်ဆောင်မှုလုပ် ငန်းများ ပိုမိုကောင်းမွန်လာစေရေးနှင့် အဂတိလိုက်စားမှုများ လျော့နည်းကျဆင်း စေရေးအတွက် ရည်ရွယ်၍ ဆောင်ရွက်နေ သည့် ကိစ္စရပ်ဖြစ်သောကြောင့် Short code နံပါတ် “၁၁၁၁” မှတစ်ဆင့် SMS ဖြင့် ပေးပို့ မေးမြန်းသော မေးခွန်းများကို ပြည်သူများက အကြံပြုဖြေကြားပေးခြင်းဖြင့် အစိုးရဌာန/အဖွဲ့အစည်းများ၏ ဝန်ဆောင်မှုလုပ်ငန်းများ ၌ လိုအပ်ချက်နှင့် အားနည်းချက်များကို သိရှိ ပြုပြင်နိုင်မည်ဖြစ်ကြောင်း အဂတိလိုက်စားမှု တိုက်ဖျက်ရေးကော်မရှင်က သတင်းထုတ် ပြန်သည်။
ထို့ကြောင့် ပြည်သူများအနေဖြင့် အဂ တိလိုက်စားမှု တိုက်ဖျက်ရေးလုပ်ငန်းစဉ် များတွင် ပူးပေါင်းပါဝင်ဆောင်ရွက်ပေးနိုင်ပါရန်နှင့် ပြည်သူများက သက်သာသော နှုန်း ထားဖြင့် ြှှ များ ပြန်လည်ဖြေကြားပေးနိုင် ရေး ဆက်သွယ်ရေးအော်ပရေတာများနှင့် ညှိနှိုင်းဆောင်ရွက်ထားပါကြောင်း အဂတိလိုက်စားမှုတိုက်ဖျက်ရေးကော်မရှင်က အသိ ပေးတိုက်တွန်းထားသည်။