ဘီလ်ဘာအို - ဂီတာဖေး (ဗုဒ္ဓဟူးည ၁၁း၃၀ နာရီ)
ဘီလ်ဘာအိုကစားပုံတစ်ပွဲပြီးတစ်ပွဲပိုငြိမ်လာနေတယ်။ ခံစစ်၊ တိုက်စစ်ကစားပုံဟန်ချက်လည်းညီနေတယ်။ အိမ်ရှင် လည်းဖြစ်နေလို့ အခုအဝေးကွင်းအားနည်းတဲ့ ဂီတာဖေးကို ဘီလ်ဘာအိုအနိုင်ယူဖို့မခက်ဘူးထင်တယ်။ ဂိုးတော့နည်းမယ်။
ဗီလာရီးယဲလ် - ဟီရိုနာ (ဗုဒ္ဓဟူးည ၁၁း၃၀ နာရီ)
ဗီလာရီးယဲလ်ကနည်းပြသစ်နဲ့ သိပ်အသားမကျသေးဘူး။ အိမ်ကွင်းဆိုပေမယ့် ဗီလာရီးယဲလ်ခံစစ်ကစားပုံအားနည်းနေ သေးသလို့ ကွင်းမရွေးဘဲ တိုက်စစ်ဖွင့်ပြီးခြေစွမ်းပြနေတဲ့ ဟီရို နာကို မနည်းထိန်းကစားဦးမှာပါ။ ဟီရိုနာပဲရွေးထားမယ်။
ရီးယဲလ်မက်ဒရစ် - လက်စ်ပါမားစ် (ဗုဒ္ဓဟူးည ၁၁း၃၀ နာရီ)
ရီးယဲလ်မက်ဒရစ်နိုင်ပွဲတွေရအောင် စိတ်ရှည်လက်ရှည် ကစားယူနေတာတွေ့ရတယ်။ ဂိုးတွေသိပ်မသွင်းနိုင်ပေမယ့် နိုင်ပွဲရအောင်တော့ပိုပြီးကစားတတ်လာတာလည်းတွေ့ရတယ်။ ဒဏ်ရာပြဿနာတွေများနေချိန်မှာ ရီးယဲလ်ကစားပုံက အမှားနည်းဖို့ ပိုသတိထားပြီးကစားနေသလိုပဲ။ လက်စ်ပါမားစ် ကတော့ အဝေးကွင်းပွဲတိုင်း (ဝ-၁)ဂိုးတွေနဲ့ချည်းပဲရှုံးထား တယ်။ အဝေးကွင်းမှာတိုက်စစ်က ဂိုးမသွင်းနိုင်ပေမယ့် အတတ် နိုင်ဆုံးခံစစ်ကိုပိတ်ကစားနေလို့ လက်စ်ပါမားစ်ကို ဂိုးရအောင် တော့ပြိုင်ဘက်တွေ ခက်ခက်ခဲခဲကစားယူနေရပုံပါပဲ။ အခုရီး ယဲလ်လည်း ခံစစ်အားပြုမယ့် လက်စ်ပါမားစ်ကို ဂိုးရအောင် စိတ်ရှည်ရှည်နဲ့ ကစားရဦးမှာသေချာတယ်။ ရီးယဲလ်ကို ဘယ် လင်ဟမ်တစ်ယောက် ဂိုးတွေနဲ့ကယ်တင်ဦးမလားစောင့်ကြည့် ရဦးမယ်။ ရီးယဲလ်ဂိုးနည်းနည်းနဲ့ နိုင်မယ့်ပွဲလို့ပဲထင်တယ်။
ကာဒစ်ဇ် - ဗယ်လက်ကာနို (ကြာသပတေးနံနက် ၂း၀၀ နာရီ)
ကာဒစ်ဇ်ကွင်းမှာ ဗယ်လက်ကာနိုအနိုင်ရဖို့ခက်လေ့ရှိ တယ်။ လက်ရှိဗယ်လက်ကာနိုရဲ့ခြေစွမ်းကပိုငြိမ်တယ်ဆိုပေ မယ့် ကာဒစ်ဇ်ရဲ့အိမ်ကွင်းကစားပုံမာကျောမှုကိုတော့ ဗယ် လက်ကာနိုကျော်ဖြတ်ဖို့ခက်မှာပါ။ ကာဒစ်ဇ်နဲ့ ဂိုးအနည်းပါပဲ။
ဗလင်စီယာ - ဆိုစီဒက် (ကြာသပတေးနံနက် ၂း၀၀ နာရီ)
ဒီရာသီမှာ ဗလင်စီယာရဲ့ခြေစွမ်းက သိသိသာသာတိုး တက်လာနေတယ်။ အိမ်ကွင်းကစားအားလည်းကောင်းပြီး တိုက်စစ်ပိုင်းကလည်း ဂိုးတွေပိုပြီးမြင်လာရတယ်။ ဗလင်စီယာ နဲ့ ဂိုးအနည်းပဲရွေးထားကြည့်လိုက်တယ်။
