လက်ရှိနွေရာသီအပြောင်းအရွှေ့ကာလ ပရီးမီးယားလိဂ်အသင်းတွေထဲ ကစားသမားအများဆုံးခေါ်ယူထားတဲ့အသင်းက နော်တင်ဟမ်ဖောရက်စ်ပါပဲ။ နော်တင်ဟမ်အသင်းဟာ လက်ရှိနွေရာသီအပြောင်းအရွှေ့ကာလအတွင်း အငှားခေါ်ယူမှု တစ်ခုအပါအဝင် ကစားသမား (၉)ဦးအထိ (အသင်းကြီးအတွက် ၈ ဦး၊ ယူ-၂၃ အသင်းအတွက် ၁ ဦး) ပြုလုပ်ထားပြီး အရေ အတွက်အများဆုံးခေါ်ယူထားတဲ့အသင်းအဖြစ် မှတ်တမ်းဝင်နေတာဖြစ်ပါတယ်။ ပြီးခဲ့တဲ့ ၂၀၂၁-၂၂ ရာသီ လိဂ်ချန်ပီယံရှစ်ပြိုင်ပွဲမှာ အဆင့် (၄)နေရာနဲ့ ရာသီသိမ်းခဲ့ပြီး Play-offs ချန်ပီယံအဖြစ် ပရီးမီးယားလိဂ်ရပ်ဝန်းဆီတက်လှမ်းလာနိုင်ခဲ့တဲ့ နော်တင်ဟမ်ဟာ အသင်းရဲ့အစဉ်အလာမှတ်တမ်းတွေအရပရိသတ်နဲ့ရင်းနှီးကျွမ်းဝင်မှုရှိပြီးသား အသင်းတစ်သင်းပါ။ နော်တင်ဟမ်ဟာ ပရီးမီးယားလိဂ်ခေတ်ဦးကာလမှ (၅)ရာသီ ကြာယှဉ်ပြိုင်ခဲ့ဖူးသလို၊ ဥရောပဖလား (ယခုချန်ပီယံလိဂ်) ပြိုင်ပွဲမှာလည်း ချန်ပီယံ ဆု (၂)ကြိမ်ရရှိဖူးတဲ့အသင်းတစ်သင်းဖြစ်လို့ နော်တင်ဟမ်ရဲ့ ပရီးမီးယားလိဂ်သို့ တစ်ကျော့ပြန်တန်းတက်ခရီးဟာ ဘောလုံးပရိသတ်အတွက် စိတ်ကြည်နူးစရာဖြစ်စေခဲ့ပါတယ်။