သရုပ်ဆောင်ရဲတိုက် မူးယစ်ဆေးဝါးမှုဖြင့် အလုပ်ကြမ်းနှင့် ထောင်ဒဏ် ဆယ်နှစ် ချမှတ်ခံရကြောင်း သိရသည်။
မေ ၂၇ ရက်က အနောက်ပိုင်းခရိုင်တရားရုံးတွင် အမိန့်ချမှတ်ခံရခြင်းဖြစ်ကြောင်း ရဲတိုက်ဘက်မှ လိုက် ပါဆောင်ရွက်သည့် တရားလွှတ်တော်ရှေ့နေထံမှ သိရသည်။
“ ဒီနေ့အမိန့်ချလိုက်ပါတယ်။ အလုပ်ကြမ်းနဲ့ ထောင်ဒဏ် ၁၀ နှစ်ပါ။ သူ့ကျန်းမာရေးကတော့ ကောင်းပါ တယ်” ဟု တရားလွှတ်တော်ရှေ့နေက ပြောကြားသည်။
မူးယစ်ဆေးဝါး လက်ဝယ်တွေ့ရှိမှုဖြင့် မူးယစ်ဆေးဝါးဆိုင်ရာ ဥပဒေပုဒ်မ ၁၆(ဂ)/၂၃ အမှုအတွက် အမိန့်ချမှတ်ခံခဲ့ရခြင်းဖြစ်သည်။
သရုပ်ဆောင်ရဲတိုက်မှာ ယခင်ကလည်း နိုင်ငံတော်အကြည်ညိုပျက်စေမှုပုဒ်မ ၅၀၅ (က) ဖြင့် ထောင်ဒဏ်သုံးနှစ် အမိန့်ချမှတ်ခံထားရပြီး လက်ရှိတွင် နှစ်နှစ်နီးပါးကျန်ရှိသေးကြောင်း သိရသည်။
