အိုဆင်မန်အတွက် အာဆင်နယ်၏ စံချိန်တင်ကြေးဖြင့် ကမ်းလှမ်းမှုကို နာပိုလီအသင်း ပယ်ချ
Photo: Standard
အာဆင်နယ်အသင်းသည် နာပိုလီအသင်းမှ နိုင်ဂျီးရီးယားတိုက်စစ်မှူး အိုဆင်မန်ကို ကလပ်စံချိန်တင် ပြောင်းရွှေ့ကြေး ပေါင်(၇၆)သန်းဖြင့် ကမ်းလှမ်းခဲ့သော်လည်း ပယ်ချခံခဲ့ရကြောင်း သိရသည်။
အိုဆင်မန်(၂၃ နှစ်)သည် ယခုရာသီတွင် စီးရီးအေအကောင်းဆုံးလူငယ်ကစားသမားဆု ရရှိထားသူဖြစ်ပြီး (၁၈)ဂိုးသွင်းယူခဲ့သူလည်းဖြစ်သည်။
အာဆင်နယ်အသင်းသည် လာကာဇက်နှင့် အန်ကယ်တီယာတို့ကို ဆုံးရှုံးရဖွယ်ရှိနေသည့်အတွက် တိုက်စစ်ပိုင်းကို ပြန်လည်အားဖြည့်ရန် စီစဉ်နေရာ မန်စီးတီးတိုုက်စစ်မှူး ဂျေးဇူးကို ကမ်းလှမ်းခဲ့သလို၊ ယခု အိုဆင်မန်ကို ကမ်းလှမ်းခဲ့ခြင်းဖြစ်ကြောင်း သိရသည်။
သို့သော် နာပိုလီအသင်းက အိုဆင်မန်အတွက် ပြောင်းရွှေ့ကြေးကို ပေါင်(၉၃)သန်းဝန်းကျင် လိုလားနေကြောင်း သိရသည်။
