ဘရိုက်တန် - ဝုလ်ဗ် (ကြာသပတေးနေ့ နံနက် ၂း၀၀ နာရီ)
ဘရိုက်တန်က ရလဒ်အရမ်းဆိုးနေတာလည်းမဟုတ်၊ အရမ်းကောင်းနေတာလည်းမဟုတ်၊ နိုင်ပွဲလည်းမရ၊ ရှုံးပွဲလည်း မကြုံနဲ့ သရေပွဲတွေ များနေတယ်။ ဝုလ်ဗ်ကတော့ လီဗာပူးလ် နဲ့ပွဲရော၊ မန်စီးတီးနဲ့ပွဲမှာပါ အထင်ကြီးစရာ ကစားဟန်ကို ပြသ နိုင်ခဲ့တဲ့အသင်းဖြစ်တယ်။ အသင်းငယ်တွေနဲ့ဆိုရင် ခြေကျသွား တတ်ပေမဲ့ ဒီပွဲမှာ အနိမ့်ဆုံးသရေတော့ ယူနိုင်မှာပါ။
ဘန်လေ - ဝက်ဖို့ဒ် (ကြာသပတေးနေ့ နံနက် ၂း၀၀ နာရီ)
ဝါရင့်နည်းပြကြီး ရာနီရေးရီ ဝင်လာပြီးကတည်းက ဝက် ဖို့ဒ်က နိုင်ပွဲ (၂)ပွဲသာရပြီး ကျန်ပွဲအားလုံး ရှုံးပါတယ်။ အသင်း က Do or Die ပုံစံကစားပြီး သရေပွဲတွေနည်းတယ်။ နိုင်ရင်နိုင်၊ မနိုင်ရင် ရှုံးဆိုတာမျိုးဖြစ်နေတယ်။ ခံစစ်ပိုင်းက တော်တော်လေး ဆိုးရွားနေသလို၊ တိုက်စစ်ကလည်း အားအနည်းဆုံးပါပဲ။ ဒီပွဲ လည်း ဘန်လေကို ပိုကြိုက်တယ်။
ခရစ္စတယ်ပဲလေ့စ် - ဆောက်သမ်တန် (ကြာသပတေးနေ့ နံနက် ၂း၀၀ နာရီ)
နှစ်သင်းစလုံးက လူအင်အားမဆိုးပေမဲ့ ရလဒ်တွေဆိုး နေတယ်။ ဆောက်သမ်တန်က အသင်းငယ်တွေကို မရှုံးအောင် ထိန်းကစားနေပေမဲ့ အသင်းကြီးတွေကို ဂိုးပြတ်တွေရှုံးခဲ့တယ်။ ခြေစွမ်းရော၊ လူအင်အားပါ ပဲလေ့စ် နည်းနည်းသာပေမဲ့ အရမ်း မကွာဟဘူး။ ဒီအဆင့်တွေကြားမှာ အိမ်ကွင်းအားသာချက် ကလည်း သိပ်မကြီးပါဘူး။ သရေကျသွားနိုင်တယ်။
အာဆင်နယ် - ဝက်စ်ဟမ်း (ကြာသပတေးနေ့ နံနက် ၂း၃၀ နာရီ)
ဝက်စ်ဟမ်းက နောက်ပိုင်းပွဲစဉ်တွေမှာ အသင်းကြီးတွေ ထဲက လီဗာပူးလ်ကို နိုင်၊ မန်စီးတီးကို ကပ်ရှုံးခဲ့ပြီး ချယ်လ်ဆီးကို အနိုင်ကစားခဲ့တယ်။ အသင်းရဲ့ခြေစွမ်း၊ ယုံကြည်မှုတွေ မြင့်မား နေပြီး အာဆင်နယ်ကိုလည်း ကောင်းကောင်းရင်ဆိုင်ပါလိမ့် မယ်။ အာဆင်နယ်အတွက် ခက်ခဲတဲ့ပွဲတစ်ပွဲဖြစ်ပြီး အိမ်ကွင်း ဆိုပေမဲ့ သရေဆိုရင် ကျေနပ်စရာပါပဲ။
