သူက မန်စီးတီးအသင်းရဲ့ ပြဿနာတွေကို ဖြေရှင်းနိုင်သူအဖြစ် အမြဲသက်သေပြနိုင်ခဲ့ပါတယ်။ အသင်းရဲ့ ညာတောင်ပံမှာ လိုအပ်နေရင် သူက ညာတောင်ပံကစားသမား၊ တိုက်စစ်မှာ လိုအပ်နေရင် သူက တိုက်စစ်ကစားသမား၊ ကွင်းလယ်မှာ လိုအပ်နေရင် ကွင်းလယ်ကစားသမား၊ သူက ကစားကွက်ကို ထိန်းချုပ်တဲ့နေရာမှာ ကူညီနိုင်တယ်။ တိုက်စစ်အခင်းအကျင်းအတွက် ကူညီလေ့ရှိတယ်။ ဂွါဒီယိုလာဟာ ဘာနာဒိုဆေးလ်ဗားသာမရှိရင် သူလုပ်ချင်တာတွေအတွက် ဒီလောက် လွယ်လွယ်ကူကူ လုပ်နိုင်မှာမဟုတ်ဘူးဆိုတာ သေချာပါတယ်။ အသင်းအတွက် လိုအပ်နေတဲ့ နေရာအပေါ်မူတည်ပြီး၊ နည်းဗျူဟာအပေါ် မူတည်ပြီး လှုပ်ရှားပေးနိုင်တဲ့ ကစားသမားရှိခြင်းဟာ နည်းပြတစ်ဦးအတွက် အမြဲတမ်း ကျေနပ်စရာလည်း ဖြစ်ပါတယ်။