အန်ဆယ်လော့တီရဲ့အသင်းဟာ ဒီရာသီ လာလီဂါမှာပွဲစဉ် (၈)ပွဲသာ ကစားထားပြီး (၁၀) ဂိုးအထိ ပေးထားရတယ်။ သူတို့အသင်းထက် ခံစစ်မှတ်တမ်းပိုကောင်းတဲ့၊ ပေးဂိုးနည်းတဲ့အသင်းအရေအတွက်က (၁၁)သင်းတောင် ရှိပြီး အသင်း (၂၀)ထဲမှာ ဘယ်အသင်းမှ (၁၃)ဂိုးထက် ပိုမပေးထားတာကို ကြည့်ရင်  ဘယ်လောက်စိတ်ပျက်စရာကောင်းသလဲဆိုတာကို တွေ့ရမှာဖြစ်တယ်။ ဘန်ဇီမာကလွဲရင် ဒီရာသီမှာ ရီးယဲလ်မက်ဒရစ် ရဲ့အကောင်းဆုံးကစားသမားက ကော်တိုအာလို့ သတ်မှတ်ရမှာဖြစ်ပြီး၊ ဒါကို ဆက်တွေးကြည့်ရင်  အမှန်တကယ်အားဖြင့် ရီးယဲလ်မက်ဒရစ်ဟာ ဒီထက်ပိုပြီး ဂိုးပေးခဲ့ရသင့်တယ်ဆိုတာကိုပါ  တွေ့ ရလိမ့်မယ်။