ချယ်လ်ဆီးနဲ့ လီဗာပူးလ်တို့ဟာ ဒီရာသီ ပရီးမီးယားလိဂ်ပွဲစဉ် (၂)ကစားပြီးချိန်မှာ (၂)ပွဲ နိုင်၊ ရဂိုး (၅)ဂိုး၊ ပေးဂိုးမရှိဆိုပြီး စွမ်းဆောင်ရည်ပိုင်းမှာ အစစအရာရာ တူညီနေတယ်။ ဒါကြောင့်လည်း ရာသီအစတွေ့ဆုံမှုဖြစ်တာကြောင့် ချန်ပီယံဆုအတွက် သက်ရောက်မှုမကြီးမားနိုင်ဘူးလို့ ဆိုခဲ့ရင်တောင် ချန်ပီယံဆုအတွက် ပြိုင်ဆိုင်ဖို့ရှိနေတဲ့ အသင်း(၂)သင်းရဲ့ အန်ဖီးလ်စီးချင်းထိုးပွဲက ပြိုင်ဆိုင်မှုအရှိန်အဟုန် လျော့သွားစရာရှိမယ် မထင်ပါဘူး။