အာဂျင်တီးနားဂိုးသမား မာတီနက်ဇ်ကို ဆုံးရှုံးရခြင်းအတွက် အာဆင်နယ်ပရိသတ်အချို့ ဒေါသထွက်
Photo: Getty Images
အာဆင်နယ်အသင်း၏ ပရိသတ်အချို့သည် အာဂျင်တီးနားဂိုးသမား မာတီနက်ဇ်ကို ဆုံးရှုံးရခြင်းအတွက် အာဆင်နယ်အသင်းကို ဒေါသထွက်နေကြောင်း သိရသည်။
အာဆင်နယ်အသင်းသည် မာတီနက်ဇ်ကို ၂၀၁၀ ခုနှစ်ကတည်းက ပိုင်ဆိုင်ခဲ့သော်လည်း အသင်း၌ နေရာမပေးဘဲ အငှားချခြင်းများသာ ပြုလုပ်ခဲ့ပြီး ၂၀၂၀ နွေရာသီတွင် အက်စတွန်ဗီလာအသင်းထံ ရောင်းထုတ်ခဲ့သည်။
မာတီနက်ဇ်သည် ဗီလာအသင်းတွင် လက်စွမ်းပြနိုင်ခဲ့သည့်အပြင် ကိုပါအမေရိကပြိုင်ပွဲ၌ အကောင်းဆုံးဂိုးသမားဆုရရှိသည်အထိ စွမ်းဆောင်ခဲ့သောကြောင့် အာဆင်နယ်ပရိသတ်အချို့ က အသင်းကို ပြစ်တင်မှုများလည်း ပြုလုပ်ခဲ့ကြသည်။
