ပြီးခဲ့တဲ့နှစ်အပိုင်းအခြားကစလို့ တိတိကျ ကျပြောရမယ်ဆို စီရော်နယ်လ်ဒိုနဲ့ မက်ဆီတို့  အသက် (၃၀)တန်းကိုကျော်လာချိန်မှာ သူတို့ (၂)ဦးအလွန် အနာဂတ်ဆုတံဆိပ်တွေအတွက် ပြိုင်ဆိုင်မှုအသစ်တွေအကြောင်းကို ခပ်စိပ်စိပ် ပြောလာကြတယ်။ စီရော်နယ်လ်ဒိုနဲ့ မက်ဆီလိုမျိုး ပါးစပ်အဟောင်းသားဖြစ်စေမယ့် သွင်းဂိုးအရေ အတွက်တွေ၊ စံချိန်မှတ်တမ်းတွေကို လိုက်လံ တုပဖျော်ဖြေနိုင်မယ့် အနာဂတ်ကစားသမားသစ် တွေကို တစ်ဦးပြီးတစ်ဦး ရှာဖွေဖော်ထုတ်ကြ တယ်။ ဘယ်သူနဲ့ ဘယ်သူကတော့ စီရော် နယ်လ်ဒိုနဲ့ မက်ဆီလိုပြိုင်ဆိုင်မှုကိုပေးစွမ်းနိုင်မယ်၊ ဘယ်ကစားသမားတွေကတော့ဖြင့် ကမ္ဘာ့အ ကောင်းဆုံးကစားသမားဆုတွေအတွက် အ ပြိုင်ဖြစ်လာနိုင်တယ်စသဖြင့် အနာဂတ်ဘော လုံးကမ္ဘာအတွက်မေးခွန်းတွေဟာ ကျယ်ကျယ် ပြန့်ပြန့်ပါပဲ။ ဒါပေမဲ့ အဲဒီမေးခွန်းတွေရဲ့ အဖြေကို အခုအချိန်ထိ ဖြေပေးနေသူတွေက စီရော် နယ်လ်ဒိုနဲ့ မက်ဆီပဲဖြစ်နေပြန်တယ်။ သိပ်ကို အံ့အားသင့်စရာပါပဲ။