ဘိုလစ်ဗီးယား - အာဂျင်တီးနား (ဗုဒ္ဓဟူးနံနက် ၂း၃၀ နာရီ)
ဘိုလစ်ဗီးယားမြို့တော်၊ လာပက်ဇ်မြို့က ပင်လယ်ရေ မျက်နှာပြင်အမြင့်(၁၁၉၃၂)ပေမှာရှိတဲ့ Hernando siles ကွင်းက အာဂျင်တီးနားအသင်းအတွက် စိန်ခေါ်မှုကြီးမားပါ တယ်။ နောက်ဆုံးဆယ်စုနှစ်(၃)ခုတွင်းမှာ အာဂျင်တီးနားက ဘိုလစ်ဗီးယားကွင်းမှာ ကမ္ဘာ့ဖလားခြေစစ်ပွဲ (၆)ပွဲ ကစားခဲ့ပြီး (၁)ပွဲသာအနိုင်ရကာ (၂)ပွဲသရေ၊ (၃)ပွဲရှုံးခဲ့ပါတယ်။ အဖွင့်ပွဲ မှာ အာဂျင်တီးနားအသင်း အနိုင်နဲ့တာထွက်ခဲ့ပေမယ့် မက်ဆီ ရဲ့ ပယ်နယ်တီဂိုးကြောင့်သာ အသက်ရှူချောင်ခဲ့တာပါ။ ဘို လစ်ဗီးယားမှာလည်း အသင်းက လုံးဝပြန်တည်ဆောက်နေရ တဲ့အဆင့် ရောက်နေတယ်။ အာဂျင်တီးနားပဲ နိုင်ဖို့များတယ်။
အီကွေဒေါ - ဥရုဂွေး (ဗုဒ္ဓဟူးနံနက်၃း၃၀ နာရီ)
အီကွေဒေါအသင်း အရင်လိုအိမ်ကွင်းမာဂုဏ်ကို ဆက် ထိန်းထားနိုင်မလား စောင့်ကြည့်ရဦးမှာဖြစ်ပေမယ့် လက်ရှိက စားသမားပိုင်းနဲ့ သိပ်မျှော်လင့်လို့ မရပါဘူး။ ဥရုဂွေးကိုပဲ ရွေး ချယ်ချင်တယ်။
ဗင်နီဇွဲလား - ပါရာဂွေး (ဗုဒ္ဓဟူးနံနက် ၄း၃၀ နာရီ)
ဘယ်ဘွေနာ၊ ဆာနာဘရီယာ၊ အယ်လ်မီရွန်တို့ရှိတဲ့ ပါရာ ဂွေးအသင်းက လက်ရှိကစားသမားပိုင်းမှာ ဗင်နီဇွဲလားထက် နှာတစ်ဖျားသာပါတယ်။ ဗင်နီဇွဲလားကွင်းဖြစ်ပေမယ့် ပါရာဂွေး ကိုပဲ ပိုကြိုက်တယ်။
ပီရူး - ဘရာဇီးလ် (ဗုဒ္ဓဟူးနံနက် ၆း၃၀ နာရီ)
ပီရူးအသင်းက ဘိုလစ်ဗီးယားထက် ပိုသာတဲ့အသင်းဖြစ်လို့ ဘရာဇီးလ်နည်းပြ ထိထီက ပြီးခဲ့တဲ့ပွဲထက် ပိုမိုအင်အားတောင့် တဲ့ Line-up ကို ပွဲထုတ်လာဖို့များတယ်။ ပီရူးအနေနဲ့ နောက်ဆုံးကစားတဲ့ခြေစမ်းပွဲမှာ ဘရာဇီးလ်ကို အနိုင်ကစားထားတဲ့အ ပြင် လက်ရှိအသင်းလိုက်စုဖွဲ့မှုကလည်း တောင်အမေရိကထိပ်တန်းအသင်းတွေကို ယှဉ်ကစားနိုင်စွမ်းရှိလာတယ်။ ဘရာဇီးလ် ကတော့ ညာတောင်ပံမှာ ရစ်ချာလီဆန် အထိုင်မကျသေးသလို၊ ဒီနေရာပြဿနာကိုလည်း မဖြေရှင်းနိုင်သေးဘူး။ ပီရူးမြေမှာ ဘရာဇီးလ် ဂိုးပြတ်ဖို့ခက်လို့ အိမ်ရှင်နဲ့ပဲ စွန့်စားသင့်တယ်။
ချီလီ - ကိုလံဘီယာ (ဗုဒ္ဓဟူးနံနက် ရး၀၀ နာရီ)
အံ့အားသင့်စရာကောင်းတာက ကမ္ဘာ့ဖလားခြေစစ်ပွဲ နောက်ပိုင်း ချီလီကွင်း တွေ့ဆုံမှုတွေမှာ ကိုလံဘီယာက အသာ ရနေတာပါပဲ။ အခုပွဲမှာလည်း ပုံစံကောင်းရနေတဲ့ ကိုလံဘီယာ အမှတ်ထပ်ရဖို့ရှိတယ်။
