ဘရိုက်တန် - မန်ယူ (မြန်မာစံတော်ချိန် စက်တင်ဘာ ၂၆ ရက်၊ ညနေ ၆:၀၀ နာရီ)
မူပေး၊ လယ်လာနာ၊ လမ့်တေးတို့ ပြီးခဲ့တဲ့ပွဲမှာ ခြေစွမ်းပြခဲ့ပြီး နယူးကာဆယ်ကို ဂိုးပြတ်နိုင်ခဲ့တယ်။ ချယ်လ်ဆီးနဲ့ ပွဲတုန်းကလည်း ဘရိုက်တန်ကစားပုံ မညံ့ပါဘူး။ မန်ယူအတွက် ဒီပွဲက ခက်ခဲတဲ့ပွဲတစ်ပွဲ ဖြစ်လာနိုင်တယ်။ အထူးသဖြင့် ကွင်းလယ်က ခြေစွမ်းမငြိမ်သေးသလို၊ ခံစစ်ကလည်း အားနည်းနေတဲ့အချိန်မှာ တိုက်စစ်တစ်ခုတည်းကို အားကိုးကစားရမယ့် အခြေအနေဖြစ်နေတယ်။ (၁-၂၊ ၂-၂)လောက် ဖြစ်သွားနိုင်တယ်။
ခရစ္စတယ်ပဲလေ့စ် - အဲဗာတန် (မြန်မာစံတော်ချိန် စက်တင်ဘာ ၂၆ ရက်၊ ည ၈:၃၀ နာရီ)
ဒီပွဲကလည်း အဖွင့်ပွဲ (၂)ပွဲစီ နိုင်ထားတဲ့အသင်းတွေ ထိပ်တိုက်တွေ့တဲ့ပွဲဖြစ်နေတယ်။ ပဲလေ့စ်က မန်ယူကို နိုင်ခဲ့တဲ့ပွဲမှာ သူတို့အသင်းရဲ့ တိုက်စစ်ပြဿနာကို မတွေ့ခဲ့ရဘဲ (၃)ဂိုးရခဲ့တယ်။ ဒါပေမဲ့ ဒီခြေစွမ်းကို ထိန်းနိုင်ပါ့မလားဆိုတာ စဉ်းစားရမယ်။ အဲဗာတန်က မာကျောပြီး၊ ဖန်တီးနိုင်စွမ်းမြင့်တယ်။ တစ်ဦးချင်းလည်းကောင်းတယ်။ အဲဗာတန်ကို ပိုကြိုက်ပါတယ်။ (၁-၁၊ ၁-၂) လောက်ဖြစ်မယ်။
ဝက်စ်ဘရွန်း - ချယ်လ်ဆီး (မြန်မာစံတော်ချိန် စက်တင်ဘာ ၂၆ ရက်၊ ည ၁၁:၀၀ နာရီ)
ချယ်လ်ဆီးက လီဗာပူးလ်ကို ရှုံးခဲ့ပေမယ့် ပထမပိုင်းကစားပုံက ကျေနပ်စရာအနေအထားတော့ ရှိတယ်။ အဓိကကစားသမားတွေမစုံသေးတဲ့အချိန်မှာ အတိုင်းအတာတစ်ခုအထိ တိုးတက်မှုပြတယ်။ ခံစစ်ကတော့ အခုအချိန်အထိ ဟာသဆန်နေတုန်းပဲ။ မဖြစ်သင့်တဲ့အမှားတွေ၊ မထင်မှတ်တာတွေနဲ့ အသင်းကို ဒုက္ခပေးနေတုန်းပဲ။ ဝက်စ်ဘရွန်းကိုတော့ ချယ်လ်ဆီး နိုင်မှာပါ။
ဘန်လေ - ဆောက်သမ်တန် (မြန်မာစံတော်ချိန် စက်တင်ဘာ ၂၇ ရက်၊ နံနက် ၁:၃၀ နာရီ)
ဆောက်သမ်တန်ရဲ့ရာသီအဖွင့်ခြေစွမ်းက ဆိုးဆိုးရွားရွားဖြစ်နေပြီး ဂိုးပေးနှုန်းကလည်း အရမ်းများတယ်။ မနှစ်ကပုံစံ အခုထိ ပြန်မရသေးဘူး။ ဘန်လေကလည်း ပြီးခဲ့တဲ့ပွဲမှာ ဂိုးပြတ်ရှုံးခဲ့တယ်။ ဒါပေမဲ့ ဘန်လေက မာကျောတဲ့အသင်းဖြစ်ပြီး ာက်သမ်တန်ကို ဒုက္ခပေးဦးမှာပါ။ မနှစ်ကလည်း နှစ်ကျော့စလုံးအနိုင်ကစားခဲ့တာတွေ့ရတယ်။ ဒီပွဲလည်း ဘန်လေကို ကြိုက်တယ်။
