မန်စီးတီးအသင်းကလည်း အသင်း၏လူမှုကွန်ရက်စာရက်များတွင် ဒေးဗစ်ဆေးလ်ဗား၏ပုံဖြင့် GRACIAS DAVID (ကျေးဇူးတင်ပါတယ် ဒေးဗစ်) ဟု ရေးသားကာ တင်ရှိခဲ့သည်။
မန်စီးတီးအသင်းတွင် ဆယ်စုနှစ်တစ်ခုကြာ ပါဝင်ကစားခဲ့ပြီး စီးရီးအေထိပ်သီးကလပ် လာဇီယိုအသင်းသို့ ပြောင်းရွှေ့တော့မည်ဟု သတင်းထွက်ပေါ်ခဲ့သော်လည်း ဆိုစီဒက်အသင်းသို့ အံ့အားသင့်ဖွယ် ပြောင်းရွှေ့ သွားခဲ့သူ ၀ါရင့်စပိန်ကွင်းလယ်ကစားသမား ဒေးဗစ်ဆေးလ်ဗားက မန်စီးတီးအသင်းကို ကျေးဇူးတင်စကားဆိုခဲ့သည်။ ဒေးဗစ်ဆေးလ်ဗားသည် ယင်းကျေးဇူးတင်လွှာကို သူ၏ Twitter တွင် စပိန်၊ အင်္ဂလိပ် နှစ်ဘာသာဖြင့် တင်ရှိခဲ့ခြင်းဖြစ်သည်။
မန်စီးတီးအသင်းကလည်း အသင်း၏လူမှုကွန်ရက်စာရက်များတွင် ဒေးဗစ်ဆေးလ်ဗား၏ပုံဖြင့် GRACIAS DAVID (ကျေးဇူးတင်ပါတယ် ဒေးဗစ်) ဟု ရေးသားကာ တင်ရှိခဲ့သည်။ ထို့ပြင် မန်စီးတီးအသင်းသည် အသင်းတွင် ၁၀ နှစ်ကြာ ကစားခဲ့သည့် ဒေးဗစ်ဆေးလ်ဗားကို ရုပ်တုထုလုပ်၍ ဂုဏ်ပြုမည်ဟု အတည်ပြုကြေညာခဲ့သည်။ ဒေးဗစ်ဆေးလ်ဗားသည် ၂၀၁၀ နွေရာသီတွင် မန်စီးတီးအသင်းသို့ စတင်ရောက် ရှိခဲ့ခြင်းဖြစ်ပြီး အသင်းအတွက် ပြိုင်ပွဲစုံပွဲပေါင်း (၄၀၀)ကျော် ကစားပေးခဲ့သူဖြစ်သည်။
ဒေးဗစ်ဆေးလ်ဗားသည် မန်စီးတီးအသင်းတွင် ၂၀၁၀ ခုနှစ်မှ ၂၀၂၀ ခုနှစ်အထိ ပါဝင်ကစားခဲ့သူဖြစ်ပြီး အသင်း နှင့်အတူ ဆုဖလား(၁၄)ကြိမ်အထိ ဆွတ်ခူးရရှိခဲ့သည်။ ဒေးဗစ်ဆေးလ်ဗားအား ခေါ်ယူနိုင်ပြီဖြစ်ကြောင်းကို ဆိုစီဒက်အသင်းက သြဂုတ် ၁၇ ရက်ညတွင် ထုတ်ပြန်ကြေညာခဲ့ခြင်း ဖြစ်ပြီး ၂၀၂၂ ခုနှစ် အထိ နှစ်နှစ်စာချုပ် ချုပ်ဆိုခဲ့ကြောင်းလည်း ဖော်ပြခဲ့သည်။
