စပါးအသင်းသည် ချန်ပီယံလိဂ် အုပ်စုပွဲစဉ်တွင် ဘိုင်ယန်မြူးနစ်အသင်းကို အိမ်ကွင်း၌ (၇)ဂိုးအထိ ပေးခဲ့ရခြင်းမှာ အသင်း၏ (၁၃၇)နှစ်သက်တမ်းတွင် ပထမဆုံးအကြိမ် အဖြစ် မှတ်တမ်းဝင်ခဲ့သည်။ 

ထို့ပြင် စပါးအသင်းသည် ဥရောပပြိုင်ပွဲများတွင် ပွဲစဉ် (၁)ပွဲအတွင်း (၇)ဂိုးအထိ ပေးရသည့် ပထမဆုံးအင်္ဂလန်ကလပ်အသင်းအဖြစ်လည်း မှတ်တမ်းဝင်ခဲ့သည်။

စပါးအသင်းသည် အဓိကပြိုင်ပွဲများတွင် ၁၉၉၆ ခုနှစ်၊ ဒီဇင်ဘာလက ပရီးမီးယားလိဂ်ပွဲစဉ် နယူးကာဆယ် (၇-၁) စပါး ပွဲပြီးနောက် ပထမဆုံးအကြိမ် (၇)ဂိုးအထိ ပေးခဲ့ရခြင်း ဖြစ်သည်။ 

■ အိမ်ကွင်းတွင် စပါးအသင်း ဂိုးအများဆုံးပေးခဲ့ရသည့်ပွဲစဉ်များ 

စပါး ၂-၇ ဘိုင်ယန်မြူးနစ် (ချန်ပီယံလိဂ်အုပ်စုအဆင့်၊ ၁-၁၀-၂၀၁၉)

စပါး ၀-၆ ဆန်းဒါးလန်း (အဆင့်မြင့်တန်း၊ ၁၉-၁၂-၁၉၁၄)

စပါး ၀-၆ အာဆင်နယ် (အဆင့်မြင့်တန်း၊ ၆-၃-၁၉၃၅)