မန်စီးတီးအသင်း၏ အာဂျင်တီးနားတိုက်စစ်မှူး အဂွဲရိုးသည် ပြီးခဲ့ သည့်တနင်္ဂနွေနေ့က ကစားခဲ့သော ပရီးမီးယားလိဂ်ပွဲစဉ် ဘန်လေ (၀-၁) မန်စီးတီးပွဲ၌ အသင်းအတွက် တစ်လုံးတည်းသောအနိုင်ဂိုး သွင်းယူခဲ့သည်။
ယင်းဂိုးမှာ ယခုရာသီတွင် အဂွဲရိုးအတွက် (၂၀)ဂိုးမြောက် ပရီးမီးယားလိဂ်သွင်းဂိုးဖြစ်ခဲ့ပြီး (၂၀၁၄-၁၅ ရာ သီမှစတင်၍) နောက်ဆုံး(၅)ရာသီဆက် ဂိုး(၂၀)နှင့်အထက် သွင်းယူနိုင်ခဲ့ခြင်းလည်းဖြစ်သည်။
ပရီးမီးယားလိဂ်ပြိုင်ပွဲတွင် ယခင်က ယင်းကဲ့သို့ စံချိန်မျိုးရယူခဲ့ဖူးသူမှာ အာဆင်နယ်ဂန္ထဝင်တိုက်စစ်မှူး အွန်နရီတစ်ဦး တည်းသာရှိခဲ့သည်။
အွန်နရီသည် ၂၀၀၁-၀၂ ဘောလုံးရာသီမှ ၂၀၀၅-၀၆ ဘောလုံးရာသီအထိ (၅)ရာသီအတွင်း ရာသီတိုင်း ဂိုး(၂၀)နှင့်အထက် သွင်းယူနိုင်ခဲ့ခြင်းဖြစ်သည်။
အဂွဲရိုးသည် ၂၀၁၁-၁၂ ဘော လုံးရာသီမှစတင်၍ မန်စီးတီးအသင်းတွင် ကစားခဲ့သူဖြစ်ပြီး ရာသီတိုင်း အ သင်း၏ဂိုးအများဆုံးသွင်းသူအဖြစ် မှတ်တမ်းဝင်ခဲ့သလို ယခုရာသီတွင်လည်း ပြိုင်ပွဲစုံ (၃၁)ဂိုးသွင်းယူပေးထားသည်။
မန်စီးတီးတွင် အဂွဲရိုး၏ သွင်းဂိုးမှတ်တမ်း
ရာသီ လိဂ်ဂိုး ပြိုင်ပွဲစုံဂိုး
၂၀၁၁-၁၂ ၂၃ ဂိုး ၃၀ ဂိုး
၂၀၁၂-၁၃ ၁၂ ဂိုး ၁၇ ဂိုး
၂၀၁၃-၁၄ ၁၇ ဂိုး ၂၈ ဂိုး
၂၀၁၄-၁၅ ၂၆ ဂိုး ၃၂ ဂိုး
၂၀၁၅-၁၆ ၂၄ ဂိုး ၂၉ ဂိုး
၂၀၁၆-၁၇ ၂၀ ဂိုး ၃၃ ဂိုး
၂၀၁၇-၁၈ ၂၁ ဂိုး ၃၀ ဂိုး
၂၀၁၈-၁၉ ၂၀ ဂိုး ၃၁ ဂိုး
