ကိုပါအီတာလီယာဖလားကွာတားဖိုင််နယ်ပွဲစဉ်တွေမှာတော့ လက်ရှိချန်ပီယံဂျူဗင်တပ်စ်အသင်းဟာ စီရော်နယ်လ်ဒို၊ ဒီဘားလား၊ ဘာနာဒက်ခီ စတဲ့အဓိကကစားသမားတွေ ပါဝင်ခဲ့ပေမယ့် အတ္တလန်တာကို (၃-၀)နဲ့ ဂိုးပြတ်ရှုံးနိမ့်ခဲ့ပြီး ပြိုင်ပွဲကနေ ထွက်ခွာခဲ့ရပါတယ်။
အတ္တလန်တာအသင်းအတွက် ခြေစွမ်းပြခဲ့သူကတော့ တိုက်စစ်မှူး ဇာပါတာဖြစ်ပြီး (၂)ဂိုးသွင်းယူပေးခဲ့ကာ နိုင်ပွဲအတွက် အကောင်းဆုံးစွမ်းဆောင်ပေးခဲ့ပါတယ်။
နောက်ပွဲစဉ်တစ်ပွဲမှာတော့ ရိုးမားအသင်းဟာ ဖီအိုရင်တီးနားကို (၁-၇)ဂိုးနဲ့အရှက်တကွဲ ရှုံးနိမ့်ခဲ့ပြီး ပြိုင်ပွဲက ထွက်ခဲ့ရပါတယ်။
ဒီပွဲမှာ ရိုးမားအသင်းတိုက်စစ်မှူး ဂျက်ကို ထုတ်ပယ်ခံခဲ့ရပြီး ချီယေဆာက ဟက်ထရစ်၊ ဆီမြွန်နီက (၂)ဂိုးသွင်းယူကာ ဖီအိုရင်တီးနားအသင်းအတွက် ခြေစွမ်းပြခဲ့ပါတယ်။
စပိန်ဘုရင့်ဖလားကွာတားဖိုင်နယ်(ဒု-ကျော့)ပွဲစဉ်မှာတော့ ဘာစီလိုနာအသင်းဟာ ပထမအကျော့မှာ ဂိုးပြတ်ရှုံးနိမ့်ထားတာကြောင့် ဒီပွဲမှာ မက်ဆီ၊ ဆွာရက်ဇ်၊ ကော်တင်ဟိုစတဲ့ကစားသမားတွေအပါအဝင် လူစုံပွဲထွက်ခဲ့ပါတယ်။
ဒါကြောင့်လည်း ဆီဗီလာကိုဖိအားပေးကစားနိုင်ခဲ့ပြီး ကော်တင်ဟိုက (၂)ဂိုးသွင်းယူကာ ခြေစွမ်းခဲ့သလို ဆွာရက်ဇ်၊ မက်ဆီ၊ ရာကီတစ်၊ ဆာဂျီရောဘတ်တိုတို့က ဂိုးတွေသွင်းယူခဲ့ကြပြီး (၆-၁)ဂိုးနဲ့ ပြတ်ပြတ်သားသားအနိုင်ယူကာ နောက်တစ်ဆင့်တက်ရောက်နိုင်ခဲ့ပါတယ်။
စပိန်ဘုရင့်ဖလားကွာတားဖိုင်နယ်(ဒုကျော့)
ဘက်တစ် ၃ - ၁ အက်စ်ပန်ညို
(မိနစ် ၉၀ ၁-၁၊ နှစ်ကျော့ပေါင်းရလဒ် ၄-၂ ဖြင့် ဘက်တစ်နိုင်)
ဘာစီလိုနာ ၆ - ၁ ဆီဗီလာ
(နှစ်ကျော့ပေါင်းရလဒ် ၆- ၃ ဖြင့် ဘာစီလိုနာနိုင်)
ကိုပါအီတာလီယာကွာတားဖိုင်နယ်
ဖီအိုရင်တီးနား ၇ - ၁ ရိုးမား
အတ္တလန်တာ ၃ - ၀ ဂျူဗင်တပ်စ်
ပြင်သစ်လီဂူး
နန့်စ် ၁ - ၁ စိန့်အက်တီယန်
ပြင်သစ်လိဂ်ဖလားဆီမီးဖိုင်နယ်
စထရာဘိုး ၃- ၂ ဘော်ဒိုး
