မန်ယူအသင်းရဲ့ ဂန္ထဝင်ကစားသမား ရွိုင်ကွင်းက မန်ယူအသင်းအနေနဲ့ ကွင်းလယ်ကစားသမား မခေါ်ယူရင် အခက်တွေ့လိမ့်ဦးမယ်လို့ ပြောကြားခဲ့ပါတယ်။
မန်ယူအသင်းဟာ ဒီနှစ် နွေရာသီအပြောင်းအရွှေ့ကာလမှာ ကစားသမားသစ်(၄)ဦး ခေါ်ယူထားပေမဲ့ တိုက်စစ်ကစားသမား(၃)ဦးနဲ့ နောက်ခံလူတစ်ဦးဖြစ်ပြီး ကွင်းလယ်ကစားသမား ပါဝင်ခြင်းမရှိပါဘူး။
ဒါကြောင့် ရွိုင်ကင်းက အရည်အသွေးမြင့် ကွင်းလယ်ကစားသမားသစ် အားဖြည့်ဖို့ လိုတယ်လို့ သုံးသပ်ခဲ့တာပါ။
''သူတို့ရဲ့ ကွင်းလယ်အပေါ် ဖိအားနည်းနည်းလျော့သွားပေမဲ့ ပြဿနာကတော့ ရှိလာဦးမှာပါ။ ကွင်းလယ်ကစားသမား မခေါ်ယူခဲ့ဘူးဆိုရင် နောက်နှစ် ဒါမှမဟုတ် နောက်(၂)နှစ်လောက်အထိ အခက်တွေ့နိုင်ပါတယ်'' လို့ ရွိုင်ကင်းက ပြောကြားခဲ့ပါတယ်။
ရွိုင်ကင်းက လက်ရှိအခြေအနေအတိုင်းဆိုရင် မန်ယူအသင်းအနေနဲ့ ပရီးမီးယားလိဂ်မှာ အဆင့်(၈၊ ၉)နေရာတွေမှာသာ ရပ်တည်ရလိမ့်မယ်လို့လည်း ခန့်မှန်းခဲ့ပါတယ်။
မန်ယူအသင်းက လက်ရှိအချိန်မှာ ဘရိုက်တန်အသင်းက ကင်မရွန်းကွင်းလယ်ကစားသမား ဘာလီဘာကို ခေါ်ယူဖို့ ကြိုးပမ်းနေပြီး ပေါင်သန်း(၁၀၀)ဝန်းကျင် ပေးချေရဖွယ်ရှိကြောင်း သိရပါတယ်။
ကွင်းလယ်ကစားသမား မခေါ်ယူရင် မန်ယူအသင်း အခက်တွေ့လိမ့်ဦးမယ်လို့ ရွိုင်ကင်း ပြောကြား
Related Articles
