ပြီးခဲ့တဲ့ နွေရာသီမှာ အသင်းကို ပြန်လည်တည်ဆောက်မှု မပြုလုပ်ခဲ့မိခြင်းအတွက် နောင်တရတယ်လို့ ဂွါဒီယိုလာ ဖွင့်ဟဝန်ခံခဲ့ပါပြီ။ မန်စီးတီးအသင်းတာဝန်ရှိသူတွေက အနာဂတ်အတွက် ပြန်လည်တည်ဆောက်မှု အစပြုဖို့ စီစဉ်ခဲ့ပေမဲ့ နည်းပြ ဂွါဒီယိုလာက မလိုသေးဘူးလို့ ယူဆပြီး တားမြစ်ခဲ့တာပါ။ အဲဒီအတွက် ကြီးမားတဲ့ အကျိုးဆက်ကို ဂွါဒီယိုလာ ရင်ဆိုင်ခဲ့ရပါတယ်။ ပရီးမီးယားလိဂ်ချန်ပီယံဆုကို (၄)ရာသီဆက်တိုက်ရယူပြီး ပြိုင်ဘက်ကင်းအသင်းအဖြစ် ရပ်တည်ခဲ့တဲ့ မန်စီးတီးအသင်းဟာ ဘယ်အသင်းကမှ မကြောက်ရွံ့တော့တဲ့ အသင်းလို ဖြစ်သွားခဲ့ပါတယ်။