![](https://news-eleven.com/sites/news-eleven.com/files/styles/news_detail_image/public/news-images/dsc_8282_2.jpg?itok=kbO0P-lr)
ပတ်စ်ပို့လျှောက်ထားရန် စက်တင်ဘာ လမတိုင်မီက Online Appointment ယူခဲ့သူ များလည်း အသစ်ပြင်ဆင်လိုက်သည့်နှုန်းထားအတိုင်း ကျပ်လေးသောင်းပေးသွင်း ရမည်ဖြစ်ကြောင်း မြန်မာနိုင်ငံကူးလက်မှတ် ထုတ်ပေးရေးရုံးက အသိပေးကြေညာထားသည်။
စာအုပ်နှုန်းထားကို ယခင်က ကျပ်သုံးသောင်းခွဲသာ သတ်မှတ်ထားသော်လည်း စက်တင်ဘာ ၁ ရက်မှ စတင်ကာ ကျပ်လေးသောင်းသို့ တိုးမြှင့်သတ်မှတ်လိုက်ခြင်းဖြစ်သည်။
မြန်မာနိုင်ငံကူးလက်မှတ်ထုတ်ပေးရေး ရုံး၏ ပြည်သူသို့အသိပေးအပ်သည်ဟု ကြေညာထားချက်တွင် စက်တင်ဘာ ၁ ရက်ရှေ့ ပိုင်းတွင် Online Appointment ယူခဲ့သူများ ယခင် ကျပ် ၃၅၀၀၀ နှုန်းဖြင့် ငွေပေးချေခဲ့သူ များသည် လိုအပ်သောစာအုပ်ဖိုးငွေ ကျပ်ငါး ထောင်အား လဝက ကောင်တာဖြတ်ပြီးပုံစံ လက်ခံကောင်တာများတွင် ထပ်ဆောင်းပေး သွင်းရမည်ဖြစ်ကြောင်း ဖော်ပြထားသည်ကို တွေ့ရသည်။
“အရင်နှုန်းထားနဲ့ ပေးထားပြီးပေမဲ့ ငါး ထောင်ထပ်ပေးလိုက်ရတယ်။ အရင်က သုံး သောင်းခွဲပေါ့။ အခုကတော့ လေးသောင်း ဖြစ်သွားတယ်။ အရင်က Online Appointment ယူထားလည်း ငါးထောင်ထပ်ပေးရ တယ်” ဟု ရန်ကုန်မြို့ရှိ မြန်မာနိုင်ငံကူးလက် မှတ်ထုတ်ပေးရေးရုံးတွင် ပတ်စ်ပို့သွား ရောက်လျှောက်ထားသူတစ်ဦးက ပြောကြား သည်။
မြန်မာနိုင်ငံကူးလက်မှတ်ထုတ်ပေးရေး ရုံးက ထုတ်ပေးလျက်ရှိသည့် နိုင်ငံကူးလက် မှတ်အမျိုးအစားများမှာ ခုနစ်မျိုးရှိပြီး ယင်း တို့မှာ (က) အလည် (Passport for Visit – PV)၊ (ခ) အလုပ် (Passport for Job – PJ)၊ (ဂ) ပညာသင် (Passport for Education - PE)၊ (ဃ) စီးပွားရေး (Passport for Business – PB)၊ (င) ဘာသာရေး (Passport for Religious – PR)၊ (စ) မှီခို (Passport for Dependent – PT)၊ (ဆ) သင်္ဘောသား (Passport for Seaman - PS)တို့ဖြစ်ကြောင်း၊ တို့ဖြစ်ကြောင်း သိရသည်။
လက်ရှိတွင် PV အမျိုးအစားပတ်စ်ပို့ ဖြင့် အလုပ်သွားရောက် လုပ်ကိုင်မည့်သူများ ကို ခွင့်ပြုခြင်းမရှိကြောင်း၊ အလုပ်သွား ရောက်လုပ်ကိုင်သူများမှာ PJ အမျိုးအစား ဖြင့်သွားရောက်ရန်လိုအပ်ပြီး အလုပ်သမား ဝန်ကြီးဌာနက ထုတ်ပေးသည့် OWIC ကတ် ရှိမှသာ သွားရောက်လုပ်ကိုင်ရမည်ဖြစ် ကြောင်း သိရသည်။
ရန်ကုန်အပြည်ပြည်ဆိုင်ရာ လေဆိပ် တွင် PV အမျိုးအစား နိုင်ငံကူးလက်မှတ် ကိုင်ဆောင်၍ ပြည်ပထွက်ခွာအလုပ်လုပ် ကိုင်မည့်သူများကို သတင်းရဲတပ်ဖွဲ့၊ လူကုန် ကူးမှုတားဆီးနှိမ်နင်းရေးရဲတပ်ဖွဲ့၊ လေ ကြောင်းရဲတပ်ဖွဲ့ ၊ အလုပ်သမားဝန်ကြီးဌာန တို့ပါဝင်သည့် ပူးပေါင်းအဖွဲ့ငယ်ဖြင့် စိစစ် လျက်ရှိကြောင်း၊ PV နိုင်ငံကူးလက်မှတ်ကိုင် နိုင်ငံသားများအနေဖြင့် အလည်အပတ်သွား ရောက်ရန် လိုအပ်သော အပြန်လေယာဉ် လက်မှတ်၊ သွားရောက်လည်ပတ်မည့် နိုင်ငံ တွင် တည်းခိုနေထိုင်မည့် hotel booking ၊ လည်ပတ်ရန် နေထိုင်စဉ်သုံးစွဲမည့်လုံ လောက်သောငွေကြေး (show money)များ ပါရှိမှု ရှိ/မရှိစိစစ်ပြီး အမှန်တကယ် အလည် အပတ်သွားရောက်မည့်သူများ၊ ပြည်ပနိုင်ငံ များတွင် ဆေးကုသရန်သွားရောက်မည့်သူ/ဆေးကုဖော်နှင့် လူမှုရေးကိစ္စ ဆောင်ရွက် မည့်သူတို့ကို ထွက်ခွာခွင့်ပြုလျက်ရှိကြောင်း သိရသည်။