ဂျော်ဂျီယာ - ချက် (မြန်မာစံတော်ချိန် ဇွန်လ ၂၂ ရက် ည ၇:၃၀ နာရီ)
ဂျော်ဂျီယာအသင်းရော ချက်အသင်းရော အဖွင့်ပွဲစဉ်တွေမှာ ကောင်းကောင်း ကစားနိုင်ခဲ့ကြတယ်။ ဂျော်ဂျီယာက တူရကီအသင်းကို သေချာပေါက် သရေရသင့်တဲ့ ခြေစွမ်းမျိုးနဲ့ ဂိုးပြတ်ရှုံး သွားတာဖြစ်ပြီးချက်ကလည်း နောက်ဆုံးမိနစ်မှာ မထင်မှတ်ဘဲ ဂိုးပေးလိုက်ရလို့ ပေါ်တူဂီကို မထင်မှတ်ပဲ ရှုံးခဲ့တာပါ။ ဂျော်ဂျီယာနဲ့ ချက်က ပုံမှန်အားဖြင့်တော့ ချက်က ပိုကောင်းတယ်လို့ ပြော နို်င်ပါတယ်။ ခွာရတ်စကယ်လီယာကို သေချာထိန်းနိုင်ရင် ချက် နိုင်ပွဲယူမှာပါ။
တူရကီ - ပေါ်တူဂီ (မြန်မာစံတော်ချိန် ဇွန်လ ၂၂ ရက် ည ၁၀:၃၀ နာရီ)
ပေါ်တူဂီအသင်းက ပိုကောင်းတဲ့ စုဖွဲ့မှု၊ ပိုကောင်းတဲ့ ကစားသမားတွေနဲ့ ပိုအင်အားကြီးတဲ့အသင်းပါ။ ဒါပေမဲ့ အသင်းလိုက်စုဖွဲ့မှုအားက နိုင်ငံတကာ ပြိုင်ပွဲတွေမှာ အရမ်းအရေးကြီးပါတယ်။ ပေါ်တူဂီ ပိုကောင်းတာမှန်ပေမယ့် တူရကီ ခံစစ်က မာကျောပြီး အခွင့်အရေး လွယ်လွယ်မပေးတဲ့ ခံစစ်မျိုးပါ။ တိုက်စစ်ပိုင်းလည်း လုပ်ရည်ကိုင်ရည်ရှိတယ်။ ပေါ်တူဂီအသင်းရဲ့ တိုက်စစ်ကစားပုံကလည်း သိပ်အားရစရာမဟုတ်သေးလို့ သရေကျသွားရင် အံ့ဩစရာမရှိဘူး။
ဘယ်လ်ဂျီယံ - ရိုမေးနီးယား (မြန်မာစံတော်ချိန် ဇွန်လ ၂၃ ရက် နံနက် ၁:၃၀ နာရီ)
ဘယ်လ်ဂျီယံရဲ့ တိုက်စစ်က အထင်သေးလို့ မရတဲ့ တိုက်စစ်ပါ။ ဘယ်အသင်းကိုမဆို ဒုက္ခပေးနိုင်တဲ့ တစ်ဦးချင်း စွမ်းရည်တွေကို ပိုင်ဆိုင်ထားတယ်။ မြန်နှုန်းမြင့်တယ်။ ရိုမေးနီးယားရဲ့ စုဖွဲ့ကစားပုံကိုလည်း လျှော့မတွက်သင့်ပေမယ့် ဘယ်လ်ဂျီယံက အသင်းလိုက်မြန်နှုန်းမြင့်လွန်းတယ်။ အဖွင့်ပွဲတုန်းက ဆလိုဗက်ကီးယားကို မထင်မှတ်ပဲ ရှုံးခဲ့ပေမယ့် ဘယ်လ်ဂျီယံ အနိုင်ရသင့်တဲ့ ခြေစွမ်းမျိုးနဲ့ အခွင့်အရေးတွေ ရခဲ့ပါတယ်။ ဒီပွဲလည်း သေရေးရှင်ရေးအခြေအနေမှာ ဘယ်လ်ဂျီယံကိုကြိုက်တယ်။
