ယူရို ၂၀၂၄ ပြိုင်ပွဲကို ဘောလုံးဝေဖန်သူအဖြစ်ဆောင်ရွက်နေသည့် စပိန်ကွင်းလယ်ကစားသမားဟောင်း ဖာဘရီဂတ်စ်က ပေါ်တူဂီဝါရင့်တိုက်စစ်မှူး စီရော်နယ်လ်ဒိုကို ချီးကျူးစကားဆိုခဲ့သည်။

စီရော်နယ်လ်ဒို(၃၉ နှစ်)သည် ချက်အသင်းအား (၂-၁)ဂိုးဖြင့် အနိုင်ရသည့်ပွဲတွင် ပွဲချိန်ပြည့်ကစားခဲ့ပြီး ဂိုးမသွင်းနိုင်ခဲ့သော်လည်း ခြေစွမ်းပြနိုင်ခဲ့သည်။

ဖာဘရီဂတ်စ်က ''စီရော်နယ်လ်ဒို ကစားတာ ကောင်းပါတယ်။ ပြီးခဲ့တဲ့ (၂)နှစ်ကထက် အများကြီး ပိုကောင်းတာပါ။ သူက အသင်းအကောင်းဆုံးမကစားနိုင်ချိန်မှာတောင် အခွင့်အရေးတွေ ရှာနိုင်သူပါ''ဟု ပြောကြားခဲ့သည်။