တကယ်တော့ Special One ဆိုတဲ့ စကားလုံးက အခန်းထောင့်က ဖုန်တက်နေတဲ့ ထိုင်ခုံအို တစ်လုံးလို ဖြစ်နေခဲ့ပါပြီ။ အဲဒီစကားလုံးရဲ့ သက်တမ်းကလည်း နှစ်(၂၀)လောက် ရှိနေခဲ့ပြီလေ။ ပေါ်တိုကနေ ချယ်လ်ဆီးအသင်းကို ရောက်ရှိတဲ့ ပထမဆုံးသတင်းစာရှင်းလင်းပွဲမှာပဲ  တခြားသူတွေထက်သာလွန်ထူးကဲတဲ့နည်းပြလို့ အဓိပ္ပာယ်ရတဲ့ Special One လို့ ကိုယ့်ကိုယ်ကို ကင်ပွန်းတပ်ခဲ့တာပါ။ လက်တွေ့မှာလည်း အဲဒီစကားလုံးနဲ့ လိုက်ဖက်အောင် စွမ်းဆောင်ပြခဲ့ပါတယ်။ ချယ်လ်ဆီးကို ပထမဆုံးပရီးမီးယားလိဂ်ဖလား ရယူပေးခဲ့သူဟာ မော်ရင်ဟိုပဲပေါ့။