ဒီရာသီ အင်္ဂလန်ဘောလုံးလိဂ်တွေရဲ့ ချန်ပီယံဆုအားပြိုင်မှုတွေကိုကြည့်ရင် လီဗာပူးလ်၊ အာဆင်နယ်နဲ့ မန်စီးတီးတို့အားပြိုင်နေတဲ့ ပရီးမီးယားလိဂ်တင်မဟုတ်ဘဲ လိဂ်ချန်ပီယံရှစ်မှာပါ ချန်ပီယံဆုအတွက် ရာသီကုန်နောက်ဆုံးပွဲစဉ်အထိ ရင်ခုန်ရမယ့် အခြေအနေမျိုးမြင်တွေ့နေရပါတယ်။ ဒုတိယတန်းအဆင့် လိဂ်ပြိုင်ပွဲဆိုပေမယ့် လိဂ်ချန်ပီယံရှစ်ဟာ ထိပ်တန်းလိဂ် (၅)ခုရဲ့နောက် ဥရောပရဲ့ ဆဋ္ဌမမြောက်ဝင်ငွေအကောင်းဆုံးလိဂ်ပြိုင်ပွဲ ဖြစ်သလို၊ ဘောလုံးပရိသတ်နဲ့ ရင်းနှီးပြီးသား၊ အစဉ်အလာရှိပြီးသားအသင်းတွေပါဝင်နေတာ၊ စံချိန်တင်ဝင်ငွေတွေပိုင်ဆိုင်နိုင်မယ့် ပရီးမီးယားလိဂ်ဆီတန်းတက်ခွင့်ရမယ့် ပြိုင်ဆိုင်မှုတွေရှိနေတာတွေက လိဂ်ချန်ပီယံရှစ်ပြိုင်ပွဲအပေါ် ပရိသတ်အာရုံစိုက်စရာဖြစ်စေခဲ့ပါတယ်။