မရမ်းကုန်းမြို့နယ် ဘုရင့်နောင်ပွဲရုံအတွင်း ကုန်တင်ယာဉ်တစ်စီး မီးလောင်မှု မတ် ၂၂ ရက်က ဖြစ်ပွားခဲ့ကြောင်း သိရသည်။
မတ် ၂၂ ရက် နံနက် ၁၁ နာရီကျော်ခန့်တွင် မရမ်းကုန်းမြို့နယ်၊ အမှတ် ၁ ရပ်ကွက်၊ ဘုရင့်နောင်ပွဲရုံအတွင်း မီးလောင်မှုဖြစ်ပွားကြောင်း သတင်းရသဖြင့် မီးသတ်တပ်ဖွဲ့နှင့် ပရဟိတအဖွဲ့များမှ သွားရောက်ခဲ့သည်။
“ဆန်တွေသယ်ဆောင်ထားတဲ့ ကုန်တင်ယာဉ်မီးလောင်တာပါ။ လူထိခိုက်ခြင်းတော့ မရှိပါဘူး။ ယာဉ်ရှေ့ခန်း မီးလောင်သွားပါတယ်။ စက်ချို့ယွင်းမှုဖြစ်ပြီး မီးလောင်တာပါ” ဟု ရွှေရောင်သမိုင်းအရေးပေါ်ကယ်ဆယ်ရေးနှင့် လူမှုအထောက်အကူပြုဖွိ့ဖြိုးရေးအသင်းမှ တာဝန်ရှိသူတစ်ဦးက ပြောကြားသည်။
အဆိုပါ မီးလောင်သည့်နေရာမှာ ဘုရင့်နောင်ပွဲရုံအတွင်းရှိ ကံ့ကော်လမ်းသွယ်(၁)တွင် မီးလောင်ကျွမ်းခဲ့ခြင်းဖြစ်ပြီး မီးလောင်ရာသို့ မရမ်းကုန်းမြို့နယ် မီးသတ်စခန်းမှ မီးသတ်ယာဉ်တစ်စီးဖြင့် မီးငြိမ်းသတ်ခဲ့ကြောင်း သိရသည်။
