အွန်နရီက မက်ဆီဟာ အတ္တသိပ်ကြီးသူလို့ ပြောခဲ့ဖူးတယ်။ အဲဒီအတ္တနဲ့ပဲ သူ့ကိုယ်သူ The Greatness ဖြစ်အောင် တွန်းအားပေးခဲ့တာလို့ အွန်နရီက ဆက်ပြောတယ်။ စီရော်နယ်လ်ဒိုနဲ့ နှိုင်းယှဉ်လိုက်ရင် မက်ဆီဟာ အေးဆေးတည်ငြိမ်သူ၊ မာန်မာနမရှိသူ၊ အတ္တမကြီးသူလို့ တွေးထင်ချင်စရာပဲ။ ဘာစီလိုနာအပေါ် သစ္စာမြဲခဲ့ဖူးသူ၊ ငယ်ချစ် အန်တိုနယ်လာရော့ကတ်ဇိုနဲ့ပဲ တစ်ဘဝစာ ချစ်မေတ္တာချည်နှောင်ကြိုးမြဲခဲ့သူ၊ မက်ဆီဟာ လူသားဆန်လွန်းသူလို့ ကျွန်တော်တို့ အမြဲတမ်းယုံကြည်ထားတယ်။ မက်ဆီဟာ လူသားဆန်လွန်းသူဖြစ်တယ်ဆိုရင် ကိုယ့်ကိုယ်ကို ဗဟိုပြုတွေးခေါ်မှုဆိုတာ ရှိနေမှာပဲ။ အဲဒီလို ကိုယ့်ကိုယ်ကိုဗဟိုပြုတွေးခေါ်မှုဆိုတာ အတ္တရနံ့လေးမပါဘဲ ဘယ်လိုလုပ် ဖြစ်နိုင်မှာလဲ။