ရမ်းစ်ဒေးလ်က လက်ရှိရာသီမှာ အာဆင်နယ်အတွက် ပုံမှန်မကစားရတော့ဘူး။ ဒုတိယလူတောင် မဟုတ်ဘဲ အပယ်ခံဘဝရောက်သွားတယ်။ ဒါဟာ ရမ်းစ်ဒေးလ် မမျှော်လင့်ထားတဲ့ အခြေအနေမျိုးပဲ။ ပြီးခဲ့တဲ့နှစ်တွေအတွင်း အာဆင်နယ် ဂိုးပေါက်ကို ထူးချွန်စွာကာကွယ်ခဲ့သူအတွက် စိတ်ပျက်ဖွယ်ရာ ကံကြမ္မာပဲ။ သူ့အတွက် အာဆင်နယ်မှာ နေရာမရှိတော့ဘူးလား။ ဒေးဗစ်ရာယာနဲ့ ပထမ ဂိုးသမားနေရာလုပွဲမှာ ရမ်းစ်ဒေးလ် အညံ့ခံလိုက်ရပြီ။ အာတီတာကရော ငါးစိမ်းမြင်လို့ ငါးကင်ပစ်ခဲ့ပြီ။