ဘိုင်ယန်မြူးနစ်အသင်းနဲ့ရော မန်ယူအသင်းနဲ့ပါ ချန်ပီယံလိဂ်ဖလား ရခဲ့ဖူးတဲ့ အင်္ဂလန်ကွင်းလယ်ကစားသမားဟောင်း အိုဝင်ဟားဂရေ့ဗ်စ်ကတော့ အာဆင်နယ်ဟာ ရဲရင့်တဲ့နည်းပြနဲ့ ရဲရင့်တဲ့အသင်းတစ်သင်းဖြစ်နေတာကြောင့် ဒီရာသီမှာ ချန်ပီယံလိဂ်ဖလားရနိုင်တယ်လို့ ဆိုခဲ့ပါတယ်။ အာဆင်နယ်အသင်းက (၁၆)သင်းအဆင့် ပထမအကျော့မှာ ပေါ်တိုအသင်းကို (ဝ-၁)ဂိုးနဲ့ အရေးနိမ့်ထားပေမဲ့ အိမ်ကွင်းမှာ ပြန်အနိုင်ယူပြီး နောက်တစ်ဆင့်တက်နိုင်လိမ့်မယ်လို့ ယုံကြည်နေ သူတွေကတော့ အများကြီးပါပဲ။