မကြာခင်ဖြတ်သန်းရတော့မယ့် နှစ်သစ်ကူး ကာလနဲ့အတူ ဥရောပထိပ်တန်းလိဂ်ပြိုင်ပွဲတွေရဲ့ အားပြိုင်မှုတွေကလည်း ရာသီတစ်ဝက်ကျိုးချိန် ကိုရောက်ရှိလာခဲ့ပါပြီ။ ဘယ်အသင်းတွေ၊ ဘယ်ကစားသမားတွေက ၂၀၂၃-၂၄ ရာသီရဲ့ ပထမခရီး တစ်ဝက်ကိုအောင်နိုင်ခဲ့တယ်၊ ဘယ်သူတွေကမှန်းချက်နဲ့ နှမ်းထွက်လွဲပြီးကျရှုံးခဲ့လဲဆိုတာ အဖြေထွက်ခဲ့ပြီးဖြစ်သလို၊ ဇန်နဝါရီအပြောင်းအရွှေ့ကာလနဲ့ အတူ လာမယ့်လက်ကျန်ရာသီဝက်အတွက် ဘာတွေဘယ်လိုပြင်ဆင်ကြဦးမလဲ၊ ပြောင်းလဲကြဦးမလဲဆိုတဲ့ မေးခွန်းတွေနဲ့ ဘောလုံးရာသီတစ်ခုရဲ့ အရေးပါဆုံးသော အချိုးအကွေ့တစ်ခုကို ဖြတ်သန်းနေရချိန်ဆိုရင်လည်းမမှားပါဘူး။ ဒီအခြေအနေမှာ လက်ရှိ ၂၀၂၃-၂၄ ရာသီနဲ့ပတ်သက်ပြီး ဘောလုံးပရိသတ်တွေရဲ့ရင်ထဲ မှတ်မှတ်ထင်ထင်ရှိနေ၊ တွေးနေမိမှာက မထင်မှတ်ထားတဲ့စွမ်းဆောင်ရည် ကောင်းတွေပြသပြီး ခရီးတစ်ဝက်ကိုအောင်နိုင်ခဲ့တဲ့ အသင်းတွေ၊ ကစားသမားတွေအကြောင်းပဲ ဖြစ်ပါလိမ့်မယ်။