စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ် ရွှေဘို-မြစ်ကြီးနား မဟာဗျူဟာ ကားလမ်း ပင်ဝယ်ရွာနှင့် ပင့်တင်ရွာကြားတွင် မေလ ၂၈ ရက် နံနက် ၃ နာရီ ၁၅ မိနစ်အချိန် ကချင်မန္တလာ ခရီးသည်ယာဉ်တစ်စီး ယာဉ်တိုက်မှု ဖြစ်ပွားခဲ့ရာ နှစ်ဦးသေဆုံး ၁၁ ဦး ပြင်းထန်စွာ ဒဏ်ရာရရှိခဲ့ကြောင်း သိရသည်။ဖြစ်စဉ်မှာ မေလ ၂၈ ရက် နံနက် ၃ နာရီ ၁၅ မိနစ်အချိန် ရဲအုပ်မင်းသိန်းထွန်းသည် ပင်ဝယ်ရဲကင်းမှူးတာဝန် ဆောင်ရွက်နေစဉ် ရွှေဘို-မြစ်ကြီးနား မဟာဗျူဟာကားလမ်း ပင်ဝယ်ရွာနှင့် ပင့်တင်ရွာကြားတွင်ယာဉ်တိုက်မှု ဖြစ်ပွားကြောင်း သတင်းအရ သက်သေများနှင့်အတူ သွားရောက်စစ်ဆေးရာ ရွှေဘို-မြစ်ကြီးနား မဟာဗျူဟာကားလမ်း မိုင်တိုင်အမှတ် ၁၅၀/၄ နှင့် ၅ ကြားတွင် အရှည်ကြီး မောင်းနှင်လာသော 5H/---- (၆)ဘီး UD ယာဉ်သည် လမ်း၏ယာဘက်တွင် မန္တလေးဘက်သို့ ဦးခေါင်းလှည့်ပြီး ရပ်နားထားစဉ် မြစ်ကြီးနားဘက်မှ မန္တလေးဘက်သို့ အငယ်လေး(ခ)နိုဘီ မောင်းနှင်လာသော 5G/---- အန်စာတုံး ကချင်မန္တလာ ခရီးသည်ယာဉ်မှ ရပ်ထားသော 5H/---- ယာဉ်၏ နောက်ဘက်ခြမ်းသို့ ဝင်တိုက်ရာ ယာဉ်မောင်း အငယ်လေး(ခ)နိုဘီနှင့် ခရီးသည် ကိုမြတ်သူတို့ သေဆုံးခ့ြဲပီး ကျန်ခရီးသည် (၁၁)ဦးမှာ ဒဏ်ရာများ ပြင်းထန်စွာ ရရှိခဲ့ခြင်း ဖြစ်သည်။အင်းတော်ဆေးရုံးတွင် တက်ရောက်ကုသမှု ခံယူနေသော ဦးစံဖြိုး(၆၅)ဘဦးသာကြည် ကြုံကတုတ်ရွာ ကန်ကြီးဒေါင့်မြို့နယ်နေသူ၊ ရန်နိုင်အေး (၂၇) ဘ ဦးအေး ပြင်ဦးလွင်မြို့နေသူနှင့် ကိုဝင်းနိုင် (၄၃) ဘ ဦးဈေးသာရွာနတ်မောက်မြို့နယ်နေသူတို့မှာ (စိုးရိမ်ရ)ဒဏ်ရာများ ရရှိခဲ့သဖြင့် မန္တလေးသို့ ဆက်လက် ပို့ဆောင်ရန် စီစဉ်နေကြောင်း အင်းတော်ဆေးရုံမှ စုံစမ်းသိရှိရသည်။ထို့ကြောင့် ယာဉ်အား မဆင်မခြင်မောင်းနှင်သူ အငယ်လေး (ခ) နိုဘီ (၂၈) ဘ ဦးဂျူလိုင် စမ်းချောင်းရွာ မှော်ဘီမြို့နယ် ရန်ကုန်တိုင်းနေသူအား အင်းတော်မြို့နယ် မော်လူးနယ်မြေ ရဲစခန်းမှ လူသေဆုံး ထိခိုက်ဒဏ်ရာ ရရှိအောင် ယာဉ်အား မဆင်မခြင် မောင်းနှင်မှု ယာဉ်(ပ)၈/၂၀၁၆ ပြစ်မှုပုဒ်မ ၃၀၄-က/၃၃၇/၃၃၈ အရ အမှုဖွင့် ဆောင်ရွက်လျှက်ရှိကြောင်း သိရသည်။