ဘရိုက်တန်အသင်း၏နည်းပြ ဒီဇယ်ဘီက မိမိတို့အနေဖြင့် (၃) ရက်တစ်ပွဲနှုန်း ယှဉ်ပြိုင်ကစားရန် အဆင်သင့်မဖြစ်သေးကြောင်း ဝန်ခံပြောကြားခဲ့သည်။

ဘရိုက်တန်အသင်းသည် ယူရိုပါလိဂ်၊ လိဂ်ဖလားပြိုင်ပွဲများနှင့် ပွဲဆက်များခဲ့ချိန်တွင် ရလဒ်များဆိုးရွားခဲ့သည့်အတွက် ယခုတစ်ပတ်ပရီးမီးယားလိဂ်ပွဲစဉ်၌ အက်စတွန်ဗီလာအသင်းကို (၁-၆)ဂိုးဖြင့် ရှုံးနိမ့်အပြီးတွင် ဒီဇယ်ဘီက ယင်းကဲ့သို့ ပြောကြားခဲ့ခြင်းဖြစ်သည်။

''ကျွန်တော်တို့ ကစားတာ အလွန်ဆိုးရွားခဲ့ပြီး ဒါကို နည်းပြတစ်ဦးအနေနဲ့ တာဝန်ယူပါတယ်။ ဒါပေမဲ့ ကျွန်တော်တို့ (၃)ရက်တစ်ပွဲနှုန်း ယှဉ်ပြိုင်ဖို့ အဆင်သင့်မဖြစ်သေးပါဘူး။ အသင်းရဲ့ စွမ်းအင်ကို ထိန်းနိုင်ဖို့ နည်းမျိုးစုံနဲ့ ကျွန်တော် ကြိုးပမ်းပေမဲ့ မလုံလောက်ပါဘူး''ဟု ဒီဇယ်ဘီက ပြောကြားခဲ့သည်။