ရုရှား-ယူကရိန်းစစ်ပွဲ အဆုံးသတ်သွားရန် ဖြစ်နိုင်၊ မဖြစ်နိုင် လမ်းကြောင်းများ

ရုရှား-ယူကရိန်းစစ်ပွဲ အဆုံးသတ်သွားရန် ဖြစ်နိုင်၊ မဖြစ်နိုင် လမ်းကြောင်းများ
Photo: Reuters
Photo: Reuters
Published 25 November 2022
နရီမင်း

ပူးတွဲစစ်ဦးစီးချုပ်များအဖွဲ့၏ ဥက္ကဋ္ဌ ဗိုလ်ချုပ်ကြီး မက်မီလေက ရုရှား-ယူကရိန်း ပဋိပက္ခကို စစ်ရေးအရ ဖြေရှင်းနိုင်မည့်နည်း လမ်းမရှိဘဲ ယင်းကိုအဆုံးသတ်ရန် သံတမန် နည်းလမ်းလိုအပ်ကြောင်း အကြံပြုခဲ့ပြီးနောက် အိမ်ဖြူတော်သည် ပျက်စီးမှုနည်းပါး ရေးထိန်းချုပ်မှုလမ်းကြောင်းသို့ ရောက်ရှိသွားခဲ့သည်။ အမေရိကန်၏ တရားဝင်ရပ်တည်ချက်မှာ ယူကရိန်းအနေဖြင့်  ဆွေးနွေးရန် အဆင်သင့်ဖြစ်ပါက ငြိမ်းချမ်းရေး စည်းမျဉ်းစည်းကမ်းများကို ၎င်းတို့ဘာသာ သတ်မှတ်ပြီး ၎င်းတို့ကိုယ်တိုင်သာ ဆုံးဖြတ်စေရေးဖြစ်သည်။

မကြာသေးမီက ပိုလန်နိုင်ငံပိုင်နက်သို့ ဒုံးကျည်နှစ်စင်းကျရောက်ခဲ့သည့် အဖြစ်အပျက်အပြီး၊ ယူကရိန်းဓာတ်အားပေးစက်ရုံ များကို ရုရှားကအကြီးအကျယ် တိုက်ခိုက်မှုအပြီးတွင် မီလေက အမေရိကန်၏ မူဝါဒရေစီးကြောင်းကို ဆန့်ကျင်နေပုံရခြင်း၏ အကြောင်းရင်းမှာ အထိုက်အလျောက် ရှင်းလင်းထင်ရှားလာခဲ့သည်။

ယူကရိန်းတွင် ကြီးမားသော စစ်ရေးလှုပ်ရှားမှုများ ဆက်လက်လုပ်ဆောင်နေချိန်တွင် စစ်ပွဲမတော်တဆ မြင့်တက်လာနိုင် သည့် သို့မဟုတ်တတိယကမ္ဘာစစ် ဖြစ်ပွားနိုင်သည့် အန္တရာယ်၊ နျူကလီးယားလက်နက်များ အပြန်အလှန် အသုံးပြုနိုင်သည့် အန္တရာယ်တို့မှာ အမြဲတစေ ဆက်လက်တည်ရှိနေဆဲ ဖြစ်သည်။ ပိုလန်ကို ထိမှန်သော ဒုံးကျည်များကို ယူကရိန်း ဒုံးကျည်ကာကွယ်ရေး စနစ်က ပစ်ခတ်ခဲ့ခြင်းဖြစ်ပြီး ပိုလန်နှင့် ၎င်း၏ နေတိုးမဟာမိတ်များက ယင်းတိုက်ခိုက်မှုကို မတော်တဆမှုတစ်ခုအဖြစ် မှတ်ယူလိုက်ခဲ့လျှင်ပင် လာမည့်အချက်ပြမှုသည် နေတိုးအနေဖြင့် အပြည့်အဝပါဝင်ရန် လို အပ်မှုတစ်ရပ်ဆီ ဦးတည်သွားစေမည် မဟုတ်ကြောင်း  အာမခံချက်မရှိပါ။ အနည်းဆုံး အမေရိကန်ရှုထောင့်မှ ကြည့်လျှင် ယင်းခြိမ်းခြောက်မှုက ဥရောပသမဂ္ဂအဖွဲ့ဝင်နိုင်ငံများသို့ ဒုက္ခသည်များ ဝင်ရောက်လာမှု၊ ဥရောပ၏ လက်နက်နှင့် ခဲယမ်းမီးကျောက်များ ကုန်ခန်းသွားမှု သို့မဟုတ် စွမ်းအင်စျေးနှုန်းများ မြင့်တက်မှုတို့ကဲ့သို့သော စစ်ပွဲကြောင့်ဖြစ်ပေါ်သော ကျန်ရှိသည့် ဆိုးကျိုးများထက် သာလွန်ကြီးမားနေသည်။ ၎င်း၏ ကာကွယ်ရေးစက်မှုလုပ်ငန်းအနေဖြင့် အမှာစာများ ပိုမိုရရှိခြင်း ၎င်း၏ စွမ်းအင်တင်ပို့မှုက မရှိမဖြစ် ဖြစ်လာခြင်း၊ မိမိဘာသာပင် နည်းလမ်းရှာစရာ မလိုလိုက်ဘဲ အနောက် ကမ္ဘာ၏လုံခြုံရေးမဏ္ဍိုင်ကို ပေါင်းစည်းထားမှုအဖြစ် ၎င်း၏အနေအထားက မြင့်တက်လာခြင်းတို့ကြောင့် လမ်းကြောင်းများစွာ၌ အမေရိကန်သည် ပဋိပက္ခမှနေ၍ အမြတ်အစွန်းများပင် ရရှိခဲ့သေးသည်။

ယင်းက ယူကရိန်းအနေဖြင့် ၎င်း၏ကိုယ်ပိုင်အနာဂတ်အား ဆုံးဖြတ်ခွင့်ပေးပြီး လွတ်လပ်ပြီး နဂိုအတိုင်းရှိနေစေရန် ကူညီ ပေးသည့် တင်းကျပ်သော ကိုယ်ကျင့်တရားဆိုင်ရာ ရပ်တည်ချက်ကို ကျော်လွန်ကာ ကြည့်ရှုရန် လိုအပ်လာစေသည်။ ရုရှားသည် အရှက်ရစရာရှုံးပွဲများစွာကို ဆက်တိုက်ကြုံတွေ့ခဲ့ရသည့်တိုင်၊ အငြိမ်းစား အမေရိကန်ဗိုလ်ချုပ်ကြီး ဘင်ဟော့ဂ်ျကဲ့သို့သော ယူကရိန်းဘက် အကောင်းမြင်သူအချို့က ခရိုင်းမီးယားကို ပြန်လည်သိမ်းပိုက်ရေး စတင်ရန် ဇန်နဝါရီအရောက်တွင် ယူကရိန်းသားများကို ကောင်းစွာနေရာချထားနိုင်လိမ့်မည်ဟု မြင်ခြင်းမှာ မှန်ကန်သည်ဆိုလျှင်ပင် ယူကရိန်းသည် ၂၀၁၄ ခုနှစ်မတိုင်မီက ၎င်းပိုင်ဆိုင်ခဲ့သော နယ်မြေအားလုံးကိုပြန်လည် ရယူရေးဟူသည့် ၎င်း၏ပန်းတိုင်နှင့် အလှမ်း ဝေးနေဆဲဖြစ်သည်။ ယင်းပန်းတိုင်နောက်သို့ ၂၀၂၃ ခုနှစ်အထိ (ယင်းအချိန် ကျော်လွန်သည်အထိလည်း ဖြစ်ကောင်းဖြစ်နိုင်) လိုက်နေချိန်တွင် မည်သည့်အရာများ ဖြစ်ပျက်လာနိုင်သည်ဆိုခြင်းကို ခန့်မှန်းရန် မဖြစ်နိုင်ပါ။ ယင်းသည်ပင် မီလေက ”စစ်ဘက်ဆိုင်ရာနည်းလမ်းဖြင့် မရနိုင်”ဟု ပြောကြားကာ လုံလောက်စွာမြန်ဆန်သော အဆုံးသတ်ဟု ဆိုလိုလျက် စစ်ပွဲကိုအဆုံးသတ်မည့် “အပြန်အလှန် အသိအမှတ်ပြုမှု”တစ်ရပ်ကို ရောက်ရှိရန် နှစ်ဖက်စလုံးအား တောင်းဆိုခဲ့ရခြင်း၏ အကြောင်းတရား ဖြစ်သည်။ ထို့ကြောင့် စစ်ပွဲသည် မဝေးတော့သော အနာဂတ်တွင် ပြီးဆုံးရန် ဖြစ်နိုင်၊မဖြစ်နိုင် လမ်းကြောင်းများကို စဉ်းစားရန် အရေးကြီးပါသည်။ ဤနေရာ၌ ဖြစ်နိုင်ခြေရှိသော ဇာတ် ညွှန်းများကို တင်ပြလိုက်ပါသည်။

ပထမဆုံးဇာတ်ညွှန်းမှာ ယူကရိန်းစစ်တပ်က အလျင်အမြန် အောင်ပွဲရရှိသွားခြင်းဖြစ်သည်။ မဖြစ်နိုင်သော်လည်း ဖြစ်နိုင်ခြေရှိ သည်မှာ- တောင်ဘက်ရှိ ခါဆန်၌ ရုရှားများ လက်နက်ချမှုက ယူကရိန်းသားများအား မာမာထန်ထန် တိုက်နိုင်သော တပ်များကို အခြားနေရာများသို့ ရွှေ့ပြောင်းနိုင်စေကာ မီလီတိုပိုးနှင့် မာရီယူပိုးတို့ကို တိုက်ခိုက်ပြီးရုရှား၏ ခရိုင်းမီးယားသို့ ကုန်းတွင်းစင်္ကြံကို ဖြတ်တောက်လျက် အရှေ့ပိုင်းနှင့် ခရိုင်းမီးယားရှိ စိတ်ဓာတ်ကျနေသော ရုရှားတပ်ဖွဲ့များကို အချိန်တိုအတွင်း လုပ်ဆောင်နိုင်စွမ်းမဲ့အောင် ပြုလုပ်မည်ဖြစ်သည်။ သို့သော် ယူကရိန်းသားများသည် မော်စကိုမြို့ကို ဆက်လက်သိမ်းယူမည် မဟုတ်ပေ- ၎င်းတို့၌ ကြီးမားကျယ်ပြန့်သော ရုရှားပိုင်နက်ကို ကျူးကျော်ရန် စစ်အင်အား မရှိသည့်အပြင် ကျူးကျော်မှုလမ်းကြောင်းကို လိုက်ရန် အနောက်နိုင်ငံများ၏ အကူအညီကို ၎င်းတို့ ရရှိနိုင်မည် မဟုတ်ပေ။ ဤဇာတ်ညွှန်းအရ ပဋိပက္ခပြီးဆုံးသွားမည် မဟုတ်ပါ။

အီရန်သည် ၎င်း၏ ပထမစစ်ပွဲတွင် ဆက်ဒမ်ဟူစိန်၏ အီရတ်ကို ပြန်လည်သိမ်းပိုက်ပြီးနောက် ဆက်ဒမ်က အရှုံးမပေးသော ကြောင့် အသေအပျောက်များသည့် ပဋိပက္ခ အကြိမ်ပေါင်းများစွာ ပြန်လည်ဖြစ်ပွားခဲ့သည်။ နောက်ရှစ်နှစ်အကြာမှသာ ငြိမ်းချမ်း ရေးရခဲ့သည်။ ရုရှားတို့ သိမ်းပိုက်ထားသောနယ်မြေကို ပြန်လည်သိမ်းယူရာတွင် ယူကရိန်း၏ အောင်မြင်မှုရရှိခြင်းသက်သက်သည် ရုရှား၏ နယ်ချဲ့ရေးရည်မှန်းချက်များ ဆက်လက်တည်ရှိနေချိန်အတွင်း ရေရှည်ခံမည့် ဖြေရှင်းချက်မဟုတ်ပေ။ ယူကရိန်း၏အောင်ပွဲကို ငြိမ်းချမ်းရေးသဘောတူညီချက် တစ်မျိုးမျိုး ချုပ်ဆိုခဲ့သည့်တိုင် ရုရှားက ယင်းကို အလေးထားမည်မဟုတ်ပေ။ - ၂၀၁၄ နှင့် ၂၀၁၅ ခုနှစ်က မင့်စ်က်သဘောတူညီချက်များကို နှစ်ဖက်စလုံးက အလေးမထားခဲ့ကြ သကဲ့သို့ပင် ဖြစ်လိမ့်မည်။

ဒုတိယဇာတ်ညွှန်းမှာ ပူတင်၏ အစိုးရအဖွဲ့ နိဂုံးချုပ်သွားခြင်းဖြစ်သည်။ ယူကရိန်း သမ္မတ ဗိုလိုဒီမာဇယ်လန်းစကီး၏ လူသိရှင်ကြား ထုတ်ဖော်ပြောဆိုထားသည့် ရပ်တည်ချက်မှာ ပူတင်၏ နေရာကို ဆက်ခံမည့်သူနှင့်သာ စေ့စပ်ညှိနှိုင်းမည်ဟူ၍ ဖြစ်သည်။ ယင်းသည် ဖြစ်နိုင်ခြေနည်းပါးလွန်းလှသော်လည်း လုံးဝအခြေအမြစ်မရှိဟုကား မဆိုသာ။ မကြာသေးမီက လူထုစည်းရုံးလှုပ်ရှားမှု တစ်ရပ်သည် ပူတင်၏လူကြိုက်များမှုကို လျော့ကျစေခဲ့ပြီး စစ်ရေးအရ ရှုံးနိမ့်မှုများ ကြောင့် ရုရှားအများစုဖြစ်သည့် စစ်လိုလားသူ အမျိုးသားရေးဝါဒီများသည်ပင်လျှင် အရှက်ရစေမှုများအတွက် သူ့အား အပြစ်တင်ခဲ့ကြသည်။ “အကြွင်းမဲ့အာဏာ၌ ပြောင်းပြန်ဘက်တစ်ဘက် ရှိသည်”ဟု ဒဿနပညာ ရှင် အလက်ဇန်းဒါးဒူဂင်က ဘလော့ဂ်ပို့စ် တစ်ခုတွင် ရေးသားခဲ့သည်။ “အောင်မြင်မှုကို ပေးသော အာဏာအပြည့်အဝရှိခြင်းသည် - ကျရှုံးမှုအတွက် အပြည့်အဝ တာဝန်ယူရမှုကိုလည်း ပေးသည်”ဟု သူက ရေးသားခဲ့သည်။

သို့သော် သတိပြုရန် အချက်တစ်ချက်မှာ ပူတင်အား ဖြုတ်ချရန်ကြိုးစားခြင်း၏ အကျိုးကျေးဇူးများက စွန့်စားရသည့် အန္တ ရာယ်များထက် အလေးသာသည်ဟု ဆိုရလောက်အောင် သူသည် ယခုထိလွန်စွာချည့်နဲ့သွားမှု မရှိသေးခြင်းပင် ဖြစ်သည်။ သူသည် သူတည်ဆောက်ထားသည့် အား ကောင်းမောင်းသန် ဖိနှိပ်ရေးယန္တရားကို ထိန်းချုပ်ထားဆဲဖြစ်ပြီး စစ်တပ်နှင့် ရုရှား ဘက်မှ စစ်ပွဲသတင်းလိုက်သည့် “အလွတ် သတင်းထောက်များ”အသီးသီးက သူ့ကိုနာခံကြသည်။ နောက်ထပ်တစ်ချက်မှာ အကယ်၍ ရှုံးနိမ့်မှုများ ပိုမိုဖြစ်ပွားလာပြီး သူသည် လုံလောက်စွာ အားနည်းချည့်နဲ့လာပါက ဒီမိုကရေစီ တော်လှန်ရေးတစ်မျိုးမျိုး ဖြစ်လာနိုင်ခြေသည် အလားတူ သို့မဟုတ် ပို၍ပင်ခက်ထန်သော ပုဂ္ဂိုလ်တစ်ဦးဦး သို့မဟုတ် အုပ်စုတစ်ခုခုက အာဏာသိမ်းယူနိုင် ခြေထက်ပို၍နည်းပါးနေခြင်း ဖြစ်သည်။ နိုင်ငံတွင်း၌ ကျန်ရှိနေသော မည်သည့်ရုရှား နိုင်ငံသားအုပ်စုနှင့် မည်သည့်ပြည်ပြေးအ ဖွဲ့အစည်းအများစုတို့တွင်မျှ အောင်မြင်သော လူထုအုံကြွမှုတစ်ခု သို့မဟုတ် အာဏာသိမ်းနိုင်စွမ်းအတွက် လိုအပ်သည့် ဆန္ဒ၊ဆုံးဖြတ်ချက်နှင့် ကျယ်ပြန့်သော ပံ့ပိုးကူညီမှုများရှိမနေပါ။ ထို့ကြောင့် ပူတင် ပြိုလဲသွား သို့မဟုတ် သဘာဝအတိုင်း သေဆုံးသွားလျှင်ပင် ပဋိပက္ခသည် ပြီးဆုံးလိမ့်မည်မဟုတ်ပေ။

တတိယဇာတ်ညွှန်းမှာ လျှို့ဝှက်သဘော တူညီချက်ရယူခြင်းဖြစ်သည်။ သံတမန်ရေး ကြိုးပမ်းမှုဆိုင်ရာ ပြောဆိုမှုအားလုံးအတွက်၊ ရုရှားသည် နယ်မြေပိုင်ဆိုင်မှု အနည်းဆုံးရယူလျက် ငြိမ်းချမ်းရေးဆွေးနွေးရန် အဆင် သင့်ဖြစ်နေကြောင်း ကောလာဟလများနှင့် ရှုမြင်မှုများအားလုံးအတွက် (အီလွန်မက်စ်၏ တွစ်တာ ‘အဆိုပြုချက်’ကို ကြည့်ပါ”)၊ ကရင်မလင်သည် ၎င်းတို့၏နောက်ကွယ်၌ သဘောတူညီချက်တစ်ခုပြုလုပ်လိမ့်မည်ဟူ ၍ ရုရှားအမျိုးသားရေးဝါဒီများ၏ စိုးရိမ်နေ မှုအားလုံးအတွက်- ယင်းသည် ဇာတ်ညွှန်း အားလုံးအနက် ဖြစ်နိုင်ခြေအနည်းဆုံးဖြစ် သည်။ ယူကရိန်း၏ မည်သည့်ပိုင်နက်ကိုမဆို ရုရှားက သိမ်းလိုက်သည့် သဘောတူညီချက်မျိုးသည် မည်သည့်ယူကရိန်းအစိုးရအတွက်မျှ နိုင်ငံရေးအရ လုံးဝမဖြစ်နိုင်ပေ။

အနောက်နိုင်ငံများ၏ ပံ့ပိုးကူညီမှု အနည်းနှင့်အများ အားကုန်သွားသည့်တိုင် ဇယ်လန်းစကီးမှာ ဆက်လက်တိုက်ပွဲဝင်ရန် တွန်းပို့ခံရမည်သာဖြစ်သည်။ အဘယ်ကြောင့်ဆိုသော် ယင်းသည် ယူကရိန်းနိုင်ငံသား အများစု၏ တောင်းဆိုမှုဖြစ်သောကြောင့်ဖြစ်သည်။ ထို့ကြောင့် သူသည်အကူအညီများစွာ မရောက်လာမီကပင် မားမားမတ်မတ်ရပ်ကာ တိုက်ပွဲဝင်ခဲ့ခြင်းဖြစ်သည်။ ဇယ်လန်းစကီး သို့မဟုတ် သူ့အား ဆက်ခံသူ အချို့ကပျော့ညံ့ပြီး သဘောတူညီချက်တစ်ခု ပြုလုပ်ခဲ့လျှင်ပင် ယင်းသည် ရေရှည်တည်တံ့ မည်မဟုတ်ပါ။ ၁၉၃၉-၁၉၄၀ ဆောင်းရာသီစစ်ပွဲတွင် ဆိုဗီယက်တို့ ချေမှုန်းလိုက်သော ဖင်လန်သားတို့သည် ၁၉၄၁ ခုနှစ်တွင် နာဇီကျူးကျော်တပ်များနှင့်အတူ ပြန်လည်ရောက်ရှိလာပြီး ဆုံးရှုံးသွားသော နယ်မြေကို ပြန်လည်သိမ်းပိုက်ကာ လီနင်ဂရက်မြို့လယ်မှ မိုင် ၂၀ ခန့်အကွာရောက်မှသာ ရပ်တန့် သွားခဲ့သည်။

စတုတ္ထဇာတ်ညွှန်းမှာ ရုရှားစစ်တပ် အောင်ပွဲရရှိသွားခြင်းဖြစ်သည်။ အလိုလိုသိမြင်မှုနှင့်ဆန့်ကျင်ဘက်ဖြစ်နိုင်သော်လည်း ယင်းသည် ပဋိပက္ခကိုမူ အမှန်တကယ်ပင် အဆုံးသတ်စေနိုင်ပါ၏- ယင်းသည် ရုရှားတွင် ယူကရိန်းအရှေ့ပိုင်းနှင့် တောင်ပိုင်းတစ်ခုလုံးကို ပေါင်းစည်းခြင်း သို့မဟုတ် ကိယက်ဗ်တွင် ရုပ်သေးအစိုးရတစ်ရပ် ထူထောင်ခြင်း- တစ်နည်းဆိုသော် ယူကရိန်းအနေဖြင့် လက်အောက်ခံနိုင်ငံ ဖြစ်လာခြင်း သို့မဟုတ် လွတ်လပ်သော နိုင်ငံအဖြစ်မှ ပျောက်ကွယ်သွားခြင်းကို ဆိုလိုသည်။ အမှန်တကယ်ပင် အနောက်နိုင်ငံများ၏ ရုရှားအပေါ်  ပိတ်ဆို့အရေးယူမှုများ ဆက်ရှိနေဦးမည်ဖြစ်ပြီး ဖက်ပြိုင်အန်တုရန် ယူကရိန်း ပြောက်ကျားလှုပ်ရှားမှု ရှိလိမ့်မည်ဖြစ်သော်လည်း ဆိုဗီယက်ယူနီယံသည် ယခင်ကလည်း ၎င်းတို့ကို နှိမ်နှင်းရာ၌ အောင်မြင်ခဲ့ပြီး ယူကရိန်းအနောက်ခြမ်းကိုပင် အထိုက်အလျောက် ကျိုးနွံသွားစေခဲ့သည်။

သို့သော် လွန်ခဲ့သည့် လအနည်းငယ်က အဖြစ်အပျက်များအရ  ဤအခြေအနေသည် အလွန်ဖြစ်နိုင်ခြေနည်းပါးပြီး ရေတိုကာလအတွင်း ဖြစ်မလာနိုင်ပါ။ ရုရှားစစ်တပ်သည် စစ်မြေပြင်တွင် ယူကရိန်းသားများကို အနိုင်ယူရန် လိုအပ်သည့်အရာများ မရှိပါ။အနည်းဆုံးယခုလတ်တလော၌ ရှိမနေပါ။ ရုရှားသည် ပဏာမခြေလှမ်းကို ဆုံးရှုံးခဲ့ရပြီး အများ စုအတွက် လိုအပ်သော စေ့ဆော်မှုမျိုး မည်သည့်အခါကမျှ မရရှိခဲ့ပါ။ ဆက်လက်ဖြစ်ပွားနေသော ပဋိပက္ခအတွင်း အလွန်ခက်ခဲသော အလုပ်များအားလုံးကို ပြန်လည်လက် နက်တပ်ဆင်ရန်၊ ဝန်ထမ်းအင်အားပြန်လည် ဖြည့်တင်းရန်နှင့် ပြန်လည်လေ့ကျင့်ရန် လိုအပ်ပါသည်။ ဖေဖော်ဝါရီနှင့် မတ်လအစောပိုင်းကို ပြန်ကြည့်ပါက အခွင့်အရေးကို အံ့ သြထိတ်လန့်ဖွယ်ရာ ဖြုန်းတီးပစ်ခဲ့ပြီး ဆယ်စုနှစ်များစွာ အကျင့်ပျက်ခြစားမှုများနှင့် စနစ်ယိုယွင်းမှုများ ဖြစ်ခဲ့ပြီးနောက် အရှိတရားက အခြေကျခဲ့ပြီဖြစ်ရာ ယင်းသည် ရုရှားစစ်တပ်အတွက် ကောင်းမွန်သော အရှိတရားမဟုတ်ပေ။

ပဥ္စမအချက်မှာ အနောက်အုပ်စုက ရုရှားကို ဗျူဟာမြောက်စွာရှုံးနိမ့်စေခြင်း ဖြစ်သည်။ အနောက်တိုင်း မူဝါဒရေးရာ ကျွမ်းကျင်သူအချို့က ယင်းအတွက် လိုအပ်သည်များကို ပြောကြားခြင်းမပြုဘဲ ထောက်ခံခဲ့ကြခြင်းဖြစ်သည်။ နှုတ်ဆိတ်ရမည့် အပိုင်းကို ကျယ်ကျယ်လောင်လောင် ပြောဆိုခြင်းမှာ ဆင်ခြင်ချိန်ဆမှု မဟုတ်သော်လည်း မဟာဗျူဟာမြောက်စွာ ရှုံးနိမ့်စေမှုဟူသည် ဒုတိယကမ္ဘာစစ်အပြီး ဂျာမနီနှင့် ဂျပန်တို့၏ ကံကြမ္မာအတိုင်း ရုရှားကို သိမ်းပိုက် ခြင်း၊ ပူတင်၏ သြဇာကိုဖယ်ရှားခြင်းနှင့် အာဏာရှင်စနစ်ကို ဖျက်သိမ်းခြင်းတို့ကို ဆိုလိုသည်။ ယင်းမှာ နေတိုးအနေဖြင့် သမားရိုးကျ ပဋိပက္ခထဲသို့ တိုးဝင်ပြီး လက်နက်များကို တစ်နည်းနည်းဖြင့် အသုံးမပြုလိုက်ရဘဲ ရုရှားစစ်တပ်ကို ပြတ်ပြတ် သားသား အနိုင်ယူနိုင်မှသာအောင်မြင်နိုင်မည်ဖြစ်သည်။

ဤဇာတ်ညွှန်းမျိုးကို ရှောင်ရှားရန် စီစဉ်ထားသည့် ပူတင်၏ နျူကလီးယားခြိမ်း ခြောက်မှုများရှိနေသော်လည်း ယင်းမှာ မဖြစ်နိုင်ပေ။ပြတ်ပြတ်သားသား ရှုံးနိမ့်မှုကို ကာကွယ်ရန်အတွက် ကမ္ဘာကို မီးလောင်တိုက်သွင်းရလောက်အောင်အထိရုရှား ခေါင်းဆောင်ပိုင်းမှာ ရူးသွပ်မနေပါ။ သို့သော် ဂျိုးဘိုင်ဒင်သာမက မည်သည့်အနောက် တိုင်းနိုင်ငံရေးခေါင်းဆောင်တစ်ဦးဦးကမျှလည်း နေတိုးတပ်များကို စစ်ထဲသို့ ပါဝင်စေလျက် ရုရှားကို ကျူးကျော်ရန်အတွက် လိုအပ်သည့် ပြင်းထန်သော အန္တရာယ်ကို ခံတွင်းတွေ့မည့် ပုံမပေါ်ပါ။ အမှန်တကယ်ပင် ဤဆုံးဖြတ်ချက်မျိုးကို မချဘဲ အခြားနည်းလမ်းဖြင့် စစ်ပွဲကို အဆုံးသတ်ရန်သာ လိုလားပုံပေါ်ပါသည်။

ဘုရားသခင်၏ ဝင်ရောက်စွက်ဖက်မှုကို ဟန့်တားထားမည်ဆိုပါက ဤပဋိပက္ခကို မကြာမီ အဆုံးသတ်သွားရန် လက်တွေ့ကျ သော နည်းလမ်းရှိပုံမပေါ်ပါ။ ဤသည်မှာ ဘုရားသခင်၏ ဝင်ရောက်စွက်ဖက်မှုကသာ တစ်ခုတည်းသော ဖြေရှင်းမှုမဟုတ်တော့ သည်အထိ ဤပြဿနာကို ဆွဲထုတ်သွားရ မည့်သဘော သက်ရောက်နေပါသည်။ ဆွဲ ထုတ်လိုက်သည့်အခါတွင်လည်း ပိုလန်လူမျိုး တစ်ဦးဦးက စစ်ပွဲကို ကစားနေခြင်းနှင့်  ထင်မြင်ချက်များ ပေးနေခြင်းအားလုံးကို ပြောင်း ပြန်လှန်ပစ်ရန် ခြိမ်းခြောက်လာခြင်းကဲ့သို့သော နောက်ထပ် အဖြစ်အပျက်များရှိလာ ပေလိမ့်မည်။ ဤသို့ဆိုလျှင် ယူကရိန်းနှင့် ရုရှားနိုင်ငံသားများထောင်နှင့်ချီလျက် ဆက်လက်သေဆုံးနေရပေလိမ့်ဦးမည်။

Ref: Japan Times

Most Read

Most Recent