ရန်ကုန်-လွိုင်​ကော် ခရီးသည်တင် ​လေယာဉ်တစ်စင်း ယနေ့(စက်တင်ဘာ ၃၀ ရက်)တွင် ပစ်ခတ်ခံရပြီး ခရီးသည်တစ်ဦး မစိုးရိမ်ရ ဒဏ်ရာရရှိခဲ့​ကြောင်း နိုင်ငံ​တော်စီမံအုပ်ချုပ်​ရေး​ကောင်စီ ပြော​ရေးဆိုခွင့်ရှိသူ ဗိုလ်ချုပ်​ဇော်မင်းထွန်း ​ပြောကြားသည်။

ယ​​နေ့(စက်တင်ဘာ ၃၀ ရက်)နံနက်ပိုင်းက ရန်ကုန်-လွိုင်​ကော် ခရီးသည်တင် ​လေယာဉ်တစ်စင်း ပစ်ခတ်ခံရသည့် ဖြစ်စဉ်နှင့်ပတ်သက်၍The Daily Eleven သတင်းစာ၏ ​မေးမြန်းမှုကို ဗိုလ်ချုပ်ဇော်မင်းထွန်းက " ဒီမနက်​တော့ ရန်ကုန်က​နေပြီး​တော့ လွိုင်​ကော်ကို ​ပြေးဆွဲတဲ့ ​လေယာဉ်​ပေါ့၊ မြန်မာ့​လေ​ကြောင်းက ​လေယာဉ်ဖြစ်ပါတယ်။ အဲလေယာဉ်က​တော့ ခရီးသည် ၆၃ ဦးပါတယ်၊ လွိုင်​ကော်​လေဆိပ်ကို မနက် ၉ နာရီ ၃၅ ​လောက်မှာ ဆင်းသက်ဖို့ လုပ်တယ်။ ဆင်းသက်ဖို့ လုပ်တဲ့​နေရာမှာ အဲ့ဒီ​လေယာဉ်​ပြေးလမ်း ဆင်းသက်ဖို့ လုပ်ခါနီးမှာ ​လေယာဉ်​ပြေးလမ်းရဲ့ ​​မြောက်ဘက်ပေါ့၊ ​မြောက်ဘက်က​နေပြီး​တော့ ရွာနား​လောက်က​နေပြီး​တော့ ​အောက်က​နေပြီး​တော့ ပစ်ခတ်ခံရတယ်" ဟု ပြန်လည်​ဖြေကြားခဲ့သည်။

ယ​နေ့နက်ပိုင်းတွင် ရန်ကုန်-လွိုင်​ကော် ခရီးသည်တင် ​လေယာဉ် ပစ်ခတ်ခံရသည့် ဖြစ်စဉ်တွင် ​လေယာဉ်ဝမ်းဗိုက် တစ်ချက်ထိမှန်ပြီး ခရီးသည်တစ်ဦး ထိမှန်ခဲ့​ကြောင်း ဗိုလ်ချုပ်​ဇော်မင်းထွန်းက ​ပြောကြားသည်။

ဗိုလ်ချုပ်​ဇော်မင်းထွန်းက " လက်နက်ငယ်နဲ့ပစ်ခတ်တာ ဖြစ်မယ်နဲ့တူတယ်။ ​လေယာဉ်ဝမ်းဗိုက် တစ်ချက် ထိမှန်တယ်။ အဲက​နေ​​ဖောက်ပြီး​တော့ အ​ပေါ်မှာ ပါလာတဲ့ ခရီးသည်တစ်​ယောက်က​တော့ ထိမှန်ခဲ့တာရှိတယ်။ ခရီးသည်တစ်​​​​​ယောက်က​တော့ ညာဘက်ပါး နားရွက်နား​လေးမှာ မစိုးရိမ်ရ ဒဏ်ရာရရှိခဲ့တယ်။ ​လေယာဉ်က​တော့ ​အောင်မြင်စွာ ဆင်းသက်နိုင်ခဲ့တယ်။ ပြီးရင် ကျွန်​တော်တို့ ဒီခရီးသည်ကို​တော့ လွိုင်​ကော်​ဆေးရုံကိုပို့ပြီး ​ဆေးကုသမှုခံယူ လျက်ရှိတယ်။ ကျန်တာ​တော့ စိုးရိမ်စရာ အ​နေအထားမရှိပါဘူး" ဟု ​ပြောကြားသည်။

လက်ရှိတွင် ရန်ကုန်-လွိုင်​ကော် ခရီးသည်တင် ​လေယာဉ်အား ပစ်ခတ်ခဲ့​နေရာ အနီးတဝိုက်၌ လုံ​ခြုံ​ရေးတပ်ဖွဲ့ဝင်များမှ လုံခြုံ​ရေးလုပ်ငန်းများ ဆက်လက် ​ဆောင်ရွက်​နေ​ကြောင်း ဗိုလ်ချုပ်​ဇော်မင်းထွန်းက ​ပြောကြားသည်။