မန်ယူအသင်းမှ ထွက်ခွာရန်ကြိုးပမ်းနေသည့် စီရော်နယ်လ်ဒိုအား တစ်ကိုယ်ကောင်းသမားဟု အသင်းဖော်ဟောင်း ဆာဟာက ဝေဖန်ခဲ့သည်။
စီရော်နယ်လ်ဒိုသည် ယခုနွေတွင် ချန်ပီယံလိဂ်ဝင်ခွင့်ရအသင်းတစ်သင်းသို့ ပြောင်းရွှေ့ရန် စီစဉ်နေရာ ဆာဟာက ယင်းကဲ့သို့ ဝေဖန်ခဲ့ခြင်းဖြစ်သည်။
ဆာဟာက ''ကျွန်တော်က စီရော်နယ်လ်ဒို မဟုတ်ပါဘူး။ ဒါပေမဲ့ အသင်းပရိသတ်တစ်ဦးအနေနဲ့ကြည့်မယ်ဆိုရင် စီရော်နယ်လ်ဒိုဟာ အသင်းကောင်းစားရေးထက် သူ့အတွက်ပဲ တွေးတဲ့သူပါ။ အသင်းကို သူလိုချင်တဲ့ပုံမျိုး သွင်းချင်နေတဲ့ စီရော်နယ်လ် ဒိုရဲ့အတွေးဟာ တကယ်လက်တွေ့မဆန်ပါဘူး''ဟု ပြောကြားခဲ့သည်။
