အာတီတာရဲ့ ပွဲတစ်ပွဲအပေါ် ချဉ်းကပ်ပုံဟာ ရဲဝံ့ပါတယ်။ သူ့ရဲ့ဆရာ ဂွါဒီယိုလာလိုပဲ တိုက်စစ်ဦးစားပေးဟန်မျိုး သရုပ်ဖော်လေ့ရှိတယ်။ ဒီရာသီမှာ အာဆင်နယ်က ဂိုးပေါက်ကန်သွင်းမှုတွေ ပိုရလာပေမဲ့ အများစုက ရည်ရွယ်ရာမဲ့နေတယ်။ ဖန်တီးနိုင်စွမ်းကလည်း မေးခွန်းထုတ်ခံထားရတယ်။ ဒီရာသီ ပရီးမီးယားလိဂ်မှာ အာဆင်နယ်ထက် Big Chance ပိုနည်းတာဆိုလို့ နောဝစ်ချ်တစ်သင်းပဲရှိ နေတယ်။ ပရီးမီးယားလိဂ် (၁၅)ပွဲကစားပြီးချိန်မှာ (၁၈)ဂိုးသွင်းထားတဲ့ အာဆင်နယ်က ဒီရာသီ ပရီးမီးယားလိဂ်သွင်းဂိုး အများဆုံးအသင်းစာရင်းရဲ့ အဆင့်(၁၄)နေရာ ရောက်နေတယ်။