ကော်ဖီဆိုင်ဖွင့်မယ်လို့ ကွန်ချက်စကီး စပြီးတွေးမိချိန်မှာ ကော်ဖီဆိုင်နဲ့ပတ်သက်လို့ ဗဟုသုတအများကြီးမရှိခဲ့ဘူး။ ဒါပေမဲ့ သူ့အမေ ကာလိုက Essex မှာရှိတဲ့ Royal Oak Pub မှာ စားဖိုမှူးဖြစ်ခဲ့ဖူးတယ်။ ဒီတော့ အမေဖြစ်သူ ကာလိုရဲ့ အတွေ့အကြုံတွေအခြေခံပြီး ကွန်ချက်စကီးရဲ့ မိသားစုကော်ဖီဆိုင် ဖြစ်လာရတာ။Pie နဲ့ Mash အစားအစာဟာ ကွန်ချက်စကီးကော်ဖီဆိုင်ရဲ့ အမှတ်အသားပဲ။ ကွန်ချက်စကီးရဲ့ကော်ဖီဆိုင်မှမဟုတ်ဘူး။ Essex ရဲ့ အမှတ်အသား၊ လန်ဒန်ရဲ့ အမှတ်အသားလို့လည်း ပြောနိုင်တယ်။ (၁၉)ရာစုလောက်ကစတင်ပြီး အခြေခံအလုပ်သမားလူတန်းစားတွေရဲ့ နတ်သုဒ္ဓါအဖြစ် တည်ရှိခဲ့တာပါပဲ။ အဲဒီမုန့်တွေမြင်ရင် ငယ်ဘဝကို ကွန်ချက်စကီး ပြန်လည်အမှတ်ရတယ်။ ငယ်ဘဝစာသင်ကျောင်းနေ့ရက်တွေမှာ၊ ငယ်ဘဝလေ့ကျင့်ခန်းအစီအစဉ်တွေမှာ ကွန်ချက်စကီးရဲ့ အဆာပြေစားသုံးမှုဟာ ပိုင်မုန့်ပါပဲ။