အင်္ဂလန်လက်ရွေးစင်အသင်း ၏ နာမည်ကျော်တိုက်စစ်မှူးဟောင်းတစ်ဦးဖြစ်သလို၊ လက်ရှိ ဘောလုံးသုံးသပ်သူအဖြစ် ဆောင်ရွက်နေသည့် မိုက်ကယ်အိုဝင်က PSG အသင်းတွင် မက်ဆီ ကစားပါက အသင်းလိုက် ကစားပုံ ပိုအားပျော့သွားသည်ဟု ဝေဖန်ပြောကြားခဲ့သည်။
PSG အသင်းသည် ဘရုဂေးအသင်းနှင့်ပွဲစဉ်တွင် အသင်း၏ နာမည် ကျော်တိုက်စစ်အတွဲဖြစ်သည့် နေမာ-ဘာပေ-မက်ဆီအတွဲကို ပထမဆုံးအကြိမ် တွဲဖက်အသုံးပြုခဲ့သော်လည်း ပွဲအပြီးတွင် (၁-၁)ဂိုးဖြင့် သရေသာ ကစားနိုင်ခဲ့သည်။
ယင်းအတွက်ကြောင့် မိုက်ကယ်အိုဝင်က "ကျွန်တော့်အတွက်တော့ PSG က သူတို့ (၃)ဦး အတူတွဲကစားရင် ပိုပြီးအားပျော့သွားတယ်လို့ထင်ပါတယ်။ သူတို့အသင်းက ဘာကြောင့် ချန်ပီယံလိဂ်မှာ ဗိုလ်စွဲဖို့ ရေပန်းစားနေသလဲတော့ မသိဘူး။ ကျွန်တော့်အမြင်မှာတော့ ပရီးမီး ယားလိဂ်အသင်း (၄)သင်းက သူတို့ အသင်းထက် ပိုကောင်းပါတယ်"ဟု ပြောကြားခဲ့သည်။
ထို့ပြင် မိုက်ကယ်အိုဝင်က ရာမို့စ်၊ ဒွန်မာရမ်မာတို့ကို ခေါ်ယူနိုင်ခြင်းမှာ မက်ဆီကို ခေါ်ယူခြင်းအတွက် PSG အသင်းအတွက် အရေးပါကြောင်းလည်း ဆိုခဲ့သည်။
၎င်းက "ကျွန်တော့်အမြင်ပြောရရင် PSG က ရာ မို့စ်နဲ့ ဒွန်နာရမ်မာတို့လို ကစားသမားတွေကို ခေါ်ယူအားဖြည့်နိုင်ခဲ့တာက မက်ဆီကို ခေါ် နိုင်ခဲ့တာထက်ပိုပြီး အ ရေးပါတဲ့အလုပ်ကို လုပ်ခဲ့တာလို့ ခံစားရပါတယ်။ ဒီကစားသမားတွေက PSG အသင်းရဲ့ ချန်ပီယံလိဂ်အိပ်မက်ကို မက်ဆီထက်ပိုပြီး ဖြည့်ဆည်း ပေးနိုင်ပါလိမ့်မယ်"ဟု ပြောကြားခဲ့သည်။
အင်္ဂလန်နောက်ခံလူဟောင်းတစ်ဦးဖြစ်သူ ရီယိုဖာဒီနန်ကလည်း PSG အသင်းသည် အများကြီးလုပ်နိုင်စွမ်းရှိသော်လည်း တစ်ခါတစ်ရံ လမ်းလျှောက်ကစားနေကြခြင်းက ပြဿနာဟု ဆိုခဲ့သည်။
