ဘာစီလိုနာဝါရင့်နောက်ခံလူ ပီကေးက ယခုရာသီကုန်တွင် ကစားသမားဘဝမှ အနားယူဖွယ်ရှိကြောင်း ဝန်ခံခဲ့သည်။
ပီကေး(၃၄ နှစ်)သည် ဘာစီလိုနာအသင်းနှင့် ၂၀၂၄ ခုနှစ်အထိ စာချုပ်သက်တမ်းရှိနေသူဖြစ်သည်။
သို့သော် ပီကေးက ''ဘာစီလိုနာအသင်းမှာပဲ ကစားသမားဘဝကို ကျွန်တော် အဆုံးသတ်မှာပါ။ ဒီရာသီက ကျွန်တော့်အတွက် နောက်ဆုံးရာသီဖြစ်နိုင်ပါတယ်။ ကျွန်တော့်အနေနဲ့ တစ်ရာသီချင်းစီကို အာရုံစိုက်ကစားနေတာကြောင့် လာမယ့်ရာသီမှာ ကစားမယ်လို့ အာမမခံနိုင်ပါဘူး။ ဘာစီလိုနာကို မကူညီနိုင်တော့ဘူးလို့ ထင်တဲ့နေ့မှာ ကစားသမားဘဝက ကျွန်တော် အနားယူမှာပါ''ဟု ပြောကြားခဲ့သည်။
ပီကေးသည် ပြီးခဲ့သည့်ရာသီတွင် ဘာစီလိုနာကစားသမားဘဝတစ်လျှောက် ပွဲအရေအတွက်အနည်းဆုံးအဖြစ် ပြိုင်ပွဲစုံ(၂၃)ပွဲသာ ကစားနိုင်ခဲ့သည့်အတွက် အနားယူရန် စဉ်းစားလာခြင်းဖြစ်ကြောင်းလည်း သိရသည်။
