အက်သလက်တီကိုအသင်းဥက္ကဋ္ဌ အန်ရီကေးစီရီဇိုက ဘာစီလိုနာအသင်းတွင် ခြေစွမ်းမပြနိုင်သည့် တိုက်စစ်မှူးဟောင်း ဂရီးဇ်မန်း၏ အပြောင်းအရွှေ့နှင့်ပတ်သက်၍ ဘောလုံးကမ္ဘာတွင် ဘာမဆိုဖြစ်နိုင်ကြောင်း သုံးသပ်ပြောကြားသည်။
အသက် (၃၀) ရှိပြီဖြစ်သည့် ပြင်သစ်လက် ရွေးစင်တိုက်စစ်မှူး ဂရီးဇ်မန်းသည် ဘာစီလိုနာအသင်းတွင် ခြေစွမ်းမပြနိုင်ဘဲ ရုန်းကန်နေရပြီး နှစ်ရာသီအတွင်း ပြိုင်ပွဲစုံ (၉၉) ပွဲကစားရာ (၃၅)ဂိုးသာ သွင်းယူနိုင်ခဲ့သည်။
၎င်းအား အသင်းဟောင်း အက်သလက်တီကိုက ယခုနွေရာသီတွင် ပြန်လည်ခေါ်ယူရန် သတင်းများ ထွက်ပေါ်လျက်ရှိပြီး စပိန်ကွင်းလယ်လူ ဆာအူလ်နှင့် အလဲအထပ်ပြုလုပ်ရန် ဆွေးနွေးနေကြောင်းလည်း မီဒီယာများက ဖော်ပြလျက်ရှိသည်။
၎င်း၏အပြောင်းအရွှေ့ပတ်သက်၍ အက်သလက်တီကိုအသင်းဥက္ကဋ္ဌ စီရီဇိုက "ကျွန်တော့်မှာ စဉ်းစားထားတာမရှိ ပါဘူး။ သူတို့ (နည်းပြအဖွဲ့)ကလည်း ကျွန်တော့်ကို ဘာမှမပြောထားပါဘူး။ အဲဒီတော့ ကျွန်တော်ဘာမှမသိပါဘူး။ ဆွေးနွေးမှုတွေ ဘယ်လိုလုပ်နေလဲဆိုတာ ကျွန်တော်မသိပါဘူး။ တကယ်လို့ လုပ်နေခဲ့ရင်တောင်မှ ကျွန်တော်မသိပါဘူး။ ဒါပေမဲ့ ခင်ဗျားသိထားရမှာက အချိန်တွေရှိနေသေးလို့ ဘာမဆိုဖြစ်နိုင်တယ်ဆိုတာပါပဲ။ ဘောလုံးကမ္ဘာမှာ ဘာမဆို ဖြစ်နိုင်ပါတယ်။ ဒါပေမဲ့ ဂရီးဇ်မန်းရဲ့ကိစ္စကိုတော့ ကျွန်တော်မသိပါဘူး။ ကျွန်တော့်ကို ပြောထားတာလည်း မရှိပါဘူး"ဟု ပြောကြားခဲ့သည်။
