ဘရေ့ဝိတ်ရဲ့ လူနေမှုဘဝကို လှမ်းကြည့်လိုက်တဲ့အခါ ပရော်ဖက်ရှင်နယ်ဘောလုံးသမားဘဝထက်ပိုပြီး ရွှန်းစိုမှုကို မြင်နေရတယ်။ ဘရေ့ဝိတ်က ဘာစီလိုနာမှာ တစ်ပတ်ပေါင် (၈၅၀၀၀) သာရနေပေမဲ့ သူ့ရဲ့စီးပွားရေးအမြင်တွေကြောင့် ပေါင်သန်းရာနဲ့ချီ ချမ်းသာ ကြွယ်ဝသူဖြစ်နေပါပြီ။ ဘရေ့ဝိတ်က ၂၀၁၇ ခုနှစ်အတွင်းမှာ သူ့ရဲ့ဦးလေးဖြစ်သူ ဖီလစ်မီချယ်လ်နဲ့ ပူးပေါင်းပြီး ရင်းနှီးမြှုပ်နှံမှုလုပ်ထားတာပါပဲ။ ဘရေ့ဝိတ်နဲ့ သူ့ရဲ့ ဦးလေး ဖီလစ်မီချယ်လ်တို့ရဲ့ အမေရိကန်အခြေစိုက်အိမ် ခြံမြေကုမ္ပဏီ NYCE ဟာ မူလရင်းနှီးမြှုပ်နှံမှုတန်ဖိုးပေါင် (၆၁၇၀၀၀)ကနေ ပေါင် (၁၈၁)သန်းအထိ မြင့် တက်ခဲ့ပါတယ်။