မန်ယူအသင်း၏ ကွင်းလယ်တွင် ခြေစွမ်းပြကစားနေသည့် ပေါ်တူဂီလက်ရွေးစင်ကွင်းလယ်လူ ဘရူနိုဖာနန်ဒက်စ် က သူသည် မန်ယူအသင်းတွင် နှစ်ပေါင်းများစွာကစားပြီး အောင်မြင်မှုများ ရယူနိုင်အောင် ကြိုးစားသွားမည်ဖြစ်ကြောင်း ပြောကြားခဲ့သည်။
ဘရူနိုဖာနန်ဒက်စ်က "မန်ယူအသင်းရဲ့အမှတ်တံဆိပ်ကို ရင်ဘတ်ပေါ်တင်ပြီး ကစားခွင့်ရတာ ဂုဏ်ယူစရာပါ။ ကျွန်တော် ဒီအသင်းကို ရောက်လာခဲ့တာကလည်း အသင်းရဲ့ အစဉ်အလာကောင်းတွေကို ပြန်လည်တည် ဆောက်ဖို့ဖြစ်ပြီး နောက်ဆုံးအချိန်အထိ ကျွန်တော့်ကြိုးစားမှုကို ရပ်တန့်သွားမှာမဟုတ်ပါဘူး။ ဒီအသင်းမှာ နှစ်ပေါင်း များစွာကစားပြီး အောင်မြင်မှုတွေ ရယူသွားချင်ပါတယ်"ဟု ပြောကြားခဲ့သည်။
မနေ့ကယှဉ်ပြိုင်ကစားခဲ့သော ဆောက်သမ်တန်အသင်းအား ၉-၀ ဖြင့် အနိုင်ရရှိခဲ့သောပွဲအပြီးတွင် ဘရူနိုဖာနန်ဒက်စ်မှာ မန်ယူအသင်းအတွက် တစ်ဂိုးသွင်းယူပေးခဲ့ပြီး သူ၏ ပရီးမီးယားလိဂ်သွင်းဂိုးမှာ (၁၂)ဂိုးအထိရှိလာခဲ့သည်။
