ပုံမှန်ပွဲထွက်ခွင့်အတွက် တိုက်ပွဲဝင်ရန် မူဒရစ်ကို ချယ်လ်ဆီးနည်းပြ မာရက်စကာ စိန်ခေါ်
Photo: The Sun
ချယ်လ်ဆီးနည်းပြ မာရက်စကာက ပုံမှန်ပွဲထွက်ခွင့်အတွက် တိုက်ပွဲဝင်ရန် အသင်းတိုက်စစ်ကစားသမား မူဒရစ်အား စိန်ခေါ်ခဲ့ကြောင်းသိရသည်။
မူဒရစ်(၂၃ နှစ်) သည် ၂၀၂၃ ဇန်နဝါရီတွင် ရှက်တာဒိုးနက်အသင်းမှ ချယ်လ်ဆီးအသင်းထံသို့ Add-ons ကြေးအပါအဝင် ပေါင် (၈၉)သန်းဖြင့် ရောက်ရှိလာခဲ့သူဖြစ်သည်။
၎င်းသည် ချယ်လ်ဆီးအသင်းတွင် ခြေစွမ်းပြနိုင်ရန်ရုန်းကန်နေရပြီး ယခုရာသီ ပရီးမီးယားလိဂ်တွင် (၆၁)မိနစ်သာ ကစားခွင့်ရထားသည်။
ယခုအခါ မာရက်စကာက "မူဒရစ် ယုံကြည်မှုပျောက်ဆုံးနေတယ်လို့ ကျွန်တော် မထင်ပါဘူး။ မူဒရစ်က မူဒရစ်ဖြစ်ပြီး ဒါကို လက်ခံရပါမယ်။ သူ့အနေနဲ့ ပွဲကစားချင်တယ်ဆိုရင်တော့ အခုထက်ပိုကောင်းအောင်လုပ်ဖို့ လိုပါတယ်"ဟု ပြောကြားခဲ့သည်။
