ကယားပြည်နယ် ခေတ္တဝန်ကြီးချုပ်နှင့် ပြည်နယ်အစိုးရအဖွဲ့ အပါအဝင် ဝန်ကြီးချုပ်ဟောင်း ဦးအယ်လ်ဖောင်းရှိုတို့အား ထိန်းသိမ်းထား

ကယားပြည်နယ် ခေတ္တဝန်ကြီးချုပ်နှင့် ပြည်နယ်အစိုးရအဖွဲ့ အပါအဝင် ဝန်ကြီးချုပ်ဟောင်း ဦးအယ်လ်ဖောင်းရှိုတို့အား ထိန်းသိမ်းထား
Published 1 February 2021
မခိုင်

ကယားပြည်နယ် ဝန်ကြီးချုပ်ဟောင်း ဦးအယ်လ်ဖောင်းရှိုနှင့် ခေတ္တဝန်ကြီးချုပ်ဦးဘော့စကိုအပါအဝင် ပြည်နယ်အစိုးရအဖွဲ့ဝန်ကြီးများအား တပ်မတော်က ထိန်းသိမ်း ထားကြောင်း သိရသည်။

အဆိုပါထိန်းသိမ်းခံရမှုတွင် ခေတ္တဝန် ကြီးချုပ် ဦးဘော့စကို၊ ဝန်ကြီးချုပ်ဟောင်း ဦးအယ်လ်ဖောင်းရှို၊ ပြည်နယ်လွှတ်တော် ဒုဥက္ကဋ္ဌ ဦးတင်မြင့်၊ ဝန်ကြီးဦးတီရယ်၊ ဝန်ကြီး ဦးမော်မော်နှင့် NLD ပြည်နယ်ပါတီဥက္ကဋ္ဌ ဦးသောင်းဌေး၊ ဘောလခဲမြို့နယ် NLD ပါတီ ဥက္ကဋ္ဌ ဦးစိုင်းကြီးတို့ပါဝင်ကြောင်း သိရသည်။

သို့ရာတွင် ဝန်ကြီးဒေါက်တာအောင်ကျော်ဌေးမှာ ထိန်းသိမ်းခံရသည့်အထဲတွင် ပါဝင်ခြင်းရှိ မရှိမသိရသေးပေ။

လွိုင်ကော်မြို့နယ်တွင် ဖေဖော်ဝါရီ ၁ ရက် နံနက်ပိုင်းတွင်းမြို့တွင်း၌ တပ်မတော်မှ တင့်ကားနှင့် အခြားယာဉ်များဖြင့် လုံခြုံရေး လှည့်လည်ခဲ့သည်ကိုတွေ့ရပြီး ဒေသကွပ် ကဲရေး စစ်ဌာနချုပ်-လွိုင်ကော်လမ်းအား သံဆူးကြိုး အတားအဆီးများဖြင့် ကာရံထား သည်ကို တွေ့ရသည်။

ထို့အတူ ညနေပိုင်းတွင် လွိုင်ကော်မြို့ တွင်းတွင် လုံခြုံရေးအတွက် ရဲကားများဖြင့်လှည့်လည်လျက်ရှိပြီး မြို့နေလူထုမှာ ယခင် ကဲ့သို့ သွားလာလျက်ရှိသည်ကိုတွေ့ရကာ အစိုးရရုံး၊ လွှတ်တော်ဝန်းနှင့် NLD ပြည်နယ် ရုံးတို့ကို တပ်မတော်မှ လုံခြုံရေး ယူထားသည် ကို တွေ့ရသည်။

 

Most Read

Most Recent