ချင်းအမျိုးသားဒီမိုကရေစီအဖွဲ့ချုပ်ပါတီ (CNLD) ဥက္ကဋ္ဌ ဦးငိုင်ဆာခ့်၏ Facebook Page ခေတ္တပိတ်ပင်ကန့်သတ်ခံရကြောင်း သတင်းရရှိသည်။
Facebook အနေဖြင့် CNLD ဥက္ကဋ္ဌ ဦးငိုင်ဆာခ့်၏ Facebook Page ကို စက်တင်ဘာ ၂၁ ရက် ည ၁၁ နာရီခန့်တွင် ပိတ်ပင်ကန့်သတ် (Unpublished) ခဲ့ခြင်းဖြစ်ကြောင်း ဦးငိုင်ဆာခ့်က ၎င်း၏ လူမှုကွန်ရက်စာမျက်နှာတွင် ရေးသားထားသည်။
အဆိုပါကိစ္စနှင့်ပတ်သက်၍ Facebook Team ထံ အကြောင်းကြားစာကို စက်တင်ဘာ၂၂ ရက် နံနက် ၁ နာရီကျော်တွင် ပေးပို့ခဲ့ပြီး နံနက် ၈ နာရီခန့်တွင် Facebook က အကြောင်းပြန်ခဲ့ကြောင်းနှင့် “ High Profile Impersonation-High Profile တု ပြခြင်း” ကြောင့် Facebook က ဖယ်ရှားခဲ့ခြင်းဖြစ်ကြောင်း အကြောင်းပြန်ခဲ့ပါသည်ဟု CNLD ဥက္ကဋ္ဌ ဦးငိုင်ဆာခ့်က ၎င်း၏လူမှုကွန်ရက်စာမျက်နှာတွင် ရေးသားထားသည်။
ထိုသို့ Facebook အနေဖြင့် ချင်းအမျိုးသားဒီမိုကရေစီအဖွဲ့ချုပ်ပါတီ (CNLD) ဥက္ကဋ္ဌ ဦးငိုင်ဆာခ့်၏ Facebook Page ကို ၁၀ နာရီကျော်ကြာ ပိတ်ပြီးနောက် စက်တင်ဘာ ၂၂ ရက် နံနက် ၉ နာရီနောက်ပိုင်းတွင် Page ပြန်လည်အသုံးပြုခွင့်ပေးခဲ့ကြောင်း ဦးငိုင်ဆာခ့်က ၎င်း၏ လူမှုကွန်ရက်စာမျက်နှာတွင် ရေးသားထားသည်။