ထိုင်းနိုင်ငံ မယ်ဆိုင်ခရိုင်တွင် မိုးဆက်လက်ရွာသွန်းနေသောကြောင့် အောက်တိုဘာ ၄ ရက်နံနက်ခင်းအချိန်တွင် ချင်းမိုင်မြို့လယ်ခေါင်၌ ရေကြီးရေလျှံမှု အန္တရာယ်သတိပေးချက် ထုတ်ပြန်ခဲ့ပြီး ဆင်အကောင်ရေ ၁၀၀ ခန့်နှင့် ပိတ်မိနေသော ခရီးသွားဒါဇင်ချီကိုဘေးလွတ်ရာသို့ရွှေ့ပြောင်းပေးခဲ့ကြောင်း သိရသည်။

ပင်းမြစ်တွင် ဆည်ကျိုးပေါက်ခဲ့ပြီးနောက် ချင်းမိုင်မြို့တွင် အောက်တိုဘာ ၃ ရက်နေ့လယ်ခင်းအချိန်၌ ရေကြီးရေလျှံမှု ကြုံတွေ့ခဲ့သည်။

အောက်တိုဘာ ၃ ရက်နောက်ပိုင်း ချာရွမ်ပရာသက်နှင့် ချန်ခလမ်လမ်းများနှင့် ဖာဖရောင်နော့ဒ်ရပ်ကွက်တို့တွင် ရေသည် တစ်မီတာအထိ မြင့်တက်နေသည်။

ချင်းမိုင်မြို့အနီး သဘာဝဆင်စခန်းတစ်ခုတွင် အောက်တိုဘာ ၃ ရက်က ရေကြီးရေလျှံမှုကြောင့် ဆင်အကောင်ရေ ၁၀၀ ခန့်နှင့် ပိတ်မိနေသော ခရီးသွားဒါဇင်ချီကိုဘေးလွတ်ရာ ရွှေ့ပြောင်းပေးခဲ့ကြသည်။

အောက်တိုဘာ ၃ ရက် ညအချိန်တွင် ဆင်များကို အနီးအနားရှိတောင်တန်းတစ်ခုတွင် ယာယီထိန်းသိမ်းထားခဲ့ပြီး အန္တရာယ်မရှိတော့ကြောင်းဆင်စခန်း တည်ထောင်သူဆန်ဒူရန်း လက်ချိုင်လာ့တ်က ပြောကြားခဲ့သည်။

■Ref: The Star