အဲဗာတန်အသင်း၏ နည်းပြသစ် အန်ဆယ်လော့တီသည် ရီးယဲလ်အသင်းမှ ကိုလံဘီယာကွင်းလယ်ကစားသမား ဟာမီးစ်ရိုဒရီဂွက်ဇ်နှင့် ထပ်မံလက်တွဲခွင့်ရရန် ဆန္ဒရှိနေကြောင်း သိရသည်။ 

အန်ဆယ်လော့တီသည် ဟာမီးစ်ကို ရီးယဲလ်အသင်းသို့ ခေါ်ယူခဲ့သူဖြစ်သလို၊ ဘိုင်ယန်မြူးနစ်အသင်းကို ကိုင်တွယ်စဉ်ကလည်း အငှားခေါ်ယူခဲ့ဖူးသည်။ 

ထို့ပြင် နာပိုလီအသင်းကို ကိုင်တွယ်ခဲ့စဉ်ကလည်း ခေါ်ယူရန် ကြိုးပမ်းခဲ့ဖူးပြီး ယခု အဲဗာတန်အသင်းသို့ ခေါ်ယူရန် ကြိုးပမ်းနေပြန်ကြောင်း သိရသည်။ 

ဒဏ်ရာပြဿနာများနှင့်အတူ ပုံမှန်ပွဲထွက်ကစားခွင့်မရသည့် ဟာမီးစ်ကို ရီးယဲလ်အသင်းက ပေါင် (၄၃)သန်းရရှိပါက ရောင်းထုတ်သွားမည်ဟု တန်ဖိုးသတ်မှတ်ထားကြောင်းနှင့် လာမည့် ဇန်နဝါရီအပြောင်းအရွှေ့တွင် ခေါ်ယူနိုင်ရန် အဲဗာတန်အသင်း ကြိုးပမ်းသွားဖွယ်ရှိနေကြောင်း စပိန်မီဒီယာအချို့က ဖော်ပြနေကြသည်။

အသက် (၂၈)နှစ်အရွယ်ရှိ ဟာမီးစ်ရိုဒရီဂွက်ဇ်သည် ယခုရာသီတွင် ရီးယဲလ်အသင်းအတွက် ပြိုင်ပွဲစုံ (၉)ပွဲသာ ကစားထားရသေးပြီး (၁)ဂိုးသာ သွင်းယူထားသည်။