ရန်ကုန်တိုင်းဒေသကြီးအတွင်း CMP စနစ်ဖြင့် ဖိနပ်၊ အိတ်၊ လက်အိတ်နှင့် အရုပ်အမျိုးမျိုး၊ ဆက်သွယ်ရေးလုပ်ငန်သုံး FFC Cable ထုတ်လုပ်သည့် လုပ်ငန်းများကို ဟောင်ကောင်နှင့် တရုတ်ကုမ္ပဏီများက ဒေါ်လာ ၁၇ ဒသမ ၄၇ သန်းကျော်ဖြင့် ရင်းနှီးမြှုပ်နှံလုပ်ကိုင်ရန် အတည်ပြုပေးခဲ့ကြောင်း ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ သိရသည်။
မြန်မာနိုင်ငံ ရင်းနှီးမြှုပ်နှံမှုဥပဒေအရ ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီ (၂၀/၂၀၁၉)ကြိမ်မြောက် အစည်းအဝေးတွင် အတည်ပြုပေးခဲ့ခြင်းဖြစ်သည်။
ရန်ကုန်တိုင်းဒေသကြီး လှိုင်သာယာမြို့နယ် မြစိမ်းရောင်စက်မှုဇုန်၊ မြေကွက်အမှတ်- A -5 မြေတိုင်းရပ်ကွက်အမှတ် ၂၁ တွင် ဟောင်ကောင်ကုမ္ပဏီ Colorado Outdoor Gear (Myanmar) Limited က ဒေါ်လာ ၁ ဒသမ ၁၆၀ သန်းရင်းနှီးမြှုပ်နှံကာ CMP စနစ်ဖြင့် အိတ်အမျိုးမျိုး ချုပ်လုပ်ခြင်းကိုလည်းကောင်း၊ မြေကွက်အမှတ်- ၁၀၂၊ မြေတိုင်းရပ်ကွက် အမှတ်စက်မှုဇုန်အပိုင်း-၄ တွင် တရုတ်ကုမ္ပဏီ Sunny Arts & Crafts Company Limited က ဒေါ်လာ ၁ ဒသမ ၂၀၀ သန်း ရင်းနှီးမြှုပ်နှံကာ CMP စနစ်ဖြင့် အရုပ်အမျိုးမျိုး ထုတ်လုပ်ခြင်းကိုလည်းကောင်း လုပ်ကိုင်မည်ဖြစ်သည်။
ဒဂုံမြို့သစ်အရှေ့ပိုင်းမြို့နယ် မြေကွက် အမှတ်-၂၅၊ မြေတိုင်းရပ်ကွက်အမှတ် ၁၁၂၊ စက်မှုဇုန်တွင် တရုတ်ကုမ္ပဏီ Vogue (Myanmar) Industry Limited က ဒေါ်လာ သုည ဒသမ ၇၈၉ သန်းမြှုပ်နှံကာ CMP စနစ်ဖြင့် အိတ်အမျိုးမျိုးချုပ်လုပ်ခြင်းကိုလည်းကောင်း၊ မြေကွက်အမှတ်-၄၂ တွင် တရုတ်ကုမ္ပဏီ Hongho Telecommunication (Myanmar) Co., Ltd က ဒေါ်လာ ၂ ဒသမ ၅ သန်းမြှုပ်နှံကာ CMP စနစ်ဖြင့် ဆက်သွယ်ရေးလုပ်ငန်းသုံး FFC Cable အမျိုးမျိုး ထုတ်လုပ်ခြင်းကိုလည်းကောင်း လုပ်ကိုင်မည်ဖြစ်သည်။
၀ါးတစ်ရာစက်မှုဇုန်အတွင်း တရုတ်ကုမ္ပဏီ Jia Xin (Myanmar) Garment Company Limited က ဒေါ်လာ ၃ ဒသမ ၅ သန်းမြှုပ်နှံကာ CMP စနစ်ဖြင့် အဝတ်အထည်အမျိုးမျိုးကိုလည်းကောင်း၊ သာဓုကန်စက်မှုဇုန်တွင် တရုတ်ကုမ္ပဏီ Sunlong (Myanmar) Sports Company Limited က ဒေါ်လာ ၁ ဒသမ ၂ သန်းမြှုပ်နှံကာ CMP စနစ်ဖြင့် အိတ်အမျိုးမျိုးချုပ်လုပ်ခြင်းကိုလည်းကောင်း၊ ၀ါးတစ်ရာစက်မှုဇုန်အတွင်း ဟောင်ကောင်ကုမ္ပဏီ Poushing Co., Ltd က ဒေါ်လာ တစ်သန်းမြှုပ်နှံကာ CMP စနစ်ဖြင့် ဖိနစပ်အမျိုးမျိုး ချုပ်လုပ်ခြင်းကိုလည်းကောင်း လုပ်ကိုင်မည်ဖြစ်သည်။
လှိုင်သာယာမြို့နယ်အတွင်း တရုတ်ကုမ္ပဏီ Myanmar Myanbag Industrial Company Limited က ဒေါ်လာ သုည ဒသမ ၈၇၆ သန်းမြှုပ်နှံကာ CMP စနစ်ဖြင့် အိတ်အမျိုးမျိုး ထုတ်လုပ်ခြင်းကိုလည်းကောင်း၊ ဒဂုံမြို့သစ်အရှေ့ပိုင်းမြို့နယ်အတွင်း တရုတ်ကုမ္ပဏီ Dehong Technology (Myanmar) Company Limited က ဒေါ်လာသုံးသန်းမြှုပ်နှံကာ CMP စနစ်ဖြင့် ဆက်သွယ်ရေးလုပ်ငန်းသုံး Signal Cable အမျိုးမျိုး ထုတ်လုပ်ခြင်းလုပ်ငန်းကိုလည်းကောင်း၊ လှိုင်သာယာမြို့နယ် ရွှေလင်ပန်း စက်မှုမြို့အတွင်း ဟောင်ကောင်ကုမ္ပဏီ Ka Hung (Myanmar) Leather Glove Company Limited က ဒေါ်လာ ၁ ဒသမ ၂ သန်း မြှုပ်နှံကာ CMP စနစ်ဖြင့် လက်အိတ်အမျိုးမျိုး ချုပ်လုပ်ခြင်းကိုလည်ကောင်း၊ ၀ါးတစ်ရာစက်မှုဇုန်အတွင်း ဟောင်ကောင်ကုမ္ပဏီ Myanmar Zhengxin Footwear Company Limited က ဒေါ်လာ ၁ ဒသမ ၀၅၀ သန်းမြှုပ်နှံကာ CMP စနစ်ဖြင့် ဖိနပ်အမျိုးမျိုး ချုပ်လုပ်ခြင်းလုပ်ငန်းကို လုပ်ကိုင်ရန် အတည်ပြုပေးခဲ့ခြင်းဖြစ်ကြောင်းနှင့် အဆိုပါအတည်ပြုခဲ့သည့် ရင်းနှီးမြှုပ်နှံမှုလုပ်ငန်းများမှ အလုပ်အကိုင်အခွင့်အလမ်း ၇၃၂၉ ဦးကို ဖန်တီးပေးနိုင်မည်ဖြစ်ကြောင်း ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ သိရသည်။